Lukas 16:2 - A Nitana Vure

² Lakea i gale vilia a bolekori i nanea, ‘A ra maki a longoa ta o ratea? O vakalongo iau ngane, o matakari navai a mahala nau, a vuhuna bara o lobo na leho.’

Lukas 16:2 Iomraidhean Croise

Mateo 12:36

A taki mua, na parava a Vure ge pelekado e huriki vona, bara i nana e huriki a bakovi a ngatavine na ngava hale lobo ri rata, lakea bara ri koli.

Mateo 20:8

“Na malunga liu ngane, i takia a matakari na vora, i ta maea, ‘O gale palupu e huriki a vora, o kona ria. O vakatubu ne huriki ri bele muri.’

Lukas 12:20

“Pali a Vure i takia i ta maea, ‘Ioe a manga! Na rodo iea bara o mate. Pali e rei ge bole polo a maka maki o rata puru?’

Lukas 12:42

E Bakovi Dagi i koli, i ta maea, “A bolekori i rata lobo a leho a bakovi dagi vona i habia, a bakovi dagi vona bara i ratea ge matakari e huriki a vora. Bara i takia ge veru a maki ni kani ne ria na tahuna i lakea na tanga tara.

Lukas 16:1

E Isu i taki e huriki a murimuri vona i ta maea, “A bakovi na mahala tara i tahoka a bolekori i matakari a mahala vona. Pali e huriki ranga ri takia ra bolekori i rata marogo a mahala vona.

Lukas 16:3

“A bolekori i luhoi lege lae, lakea i luhoi maea, ‘A bakovi a leho vona bara i vakalobo iau ngane na leho. A ra ga ratea ngane? A uka a nitora ga leho ga keli a malala. A maruhu ni nongi a maki na viri tara.

A Raukea e Paulus i Here Lakea ne Huriki a Rom 14:12

I mavonga, hita lobo bara si taki tala na matana Vure a naro lobo si rata.

1 Korin 1:11

Mua e huriki a turagu, a kabu ne Kloe ri vakalongo iau vona mu vahehe.

1 Korin 4:2

Pali e huriki a vora, ri gi muri mai kamumu a ngava lobo na bakovi dagi ne ria.

1 Korin 4:5

I mavonga, naha ni pelekado muga a naro na viri, muga ne Bakovi Dagi ge valai. Ge valai, ge vakasiri kavakava a naro hale e huriki ri rata kapiloho. Ge vakasiri kavakava a niluhoi kapiloho ne huriki, i navai ri rata a maki ri rata? Muri a Vure ge kavurike hita takutaku.

2 Korin 5:10

a vuhuna hita lobo bara si pesi na matane Kristo, ge pelekado hita. Muri bara si bole a mapane hita takutaku na narone hita koea na malala. E huriki ri rata a naro kamumu bara ri bole a mapane ria. E huriki ri rata a naro hale, ria ranga bara ri bole a mapane ria.

1 Timoti 4:14

Naha ni mata taroa a maki kamumu a Vure i habi tavulea vomu na tahuna e huriki a gare na lotu ri ru langa a limane ria vomu, ri habi a nita propet vomu.

1 Timoti 5:24

A naro hale ne huriki ranga i kava­kava. I uka ma ni pelekado ma, si matakilaka vona a naro hale ne ria. Pali a naro hale ne huriki ranga i kapiloho. Bara ni matakilala muri ma.

1 Petrus 4:10

Mu matakari kamumu a nitora legelege a Vure i habi ne mua. Mu vakori na nitora nga.

1 Petrus 4:5

Pali muri ma, bara ri pesi na matana Viri ge pelekado a narone huriki ri mahuri, e huriki ri mate pali, ri takia i navai ri rata a maka naro ri rata.

Kapiloho 20:12

Lakea a matai e huriki ri mate pali, re huriki a bakovi dagi, e huriki a bakovi tavula, ria lobo ri pesi na ngalana gula hariki. A maka buk ni veve. A buk tara tabu ni veve, ra buk na nimahuri. Ni pelekado a narone huriki lobo ri mate pali, i ramai a ngava ni here na buk nga, ra a maka narone ria ri rata hosi na malala.