Lukas 16:19 - A Nitana Vure

¹⁹ “A bakovi tara, a bakovi na mahala, i bagetu vakaroro na varakia kamumu. I vivi ni kani na parava vakaroro a kinani kamumu.

Lukas 16:19 Iomraidhean Croise

Markus 15:17

Ri vakarodoa na varakia kuakua, muri ri vakatamea na tama ni rata na barakau.

Markus 15:20

Ri padikede loboa, muri ri kali talea a varakia kuakua, ri vaka­rodo mulea vona a varakia vona. Muri ri turari talea ri gi paditatea na kai tavalavala.

Lukas 15:13

“I uka ma i tabaka, a viri kiroko i bole lobo a maki vona i vano, i havai maia a robo basi tara. I bele vona a robo iea, i vakalobo a mahala vona na naro hale.

Lukas 16:1

E Isu i taki e huriki a murimuri vona i ta maea, “A bakovi na mahala tara i tahoka a bolekori i matakari a mahala vona. Pali e huriki ranga ri takia ra bolekori i rata marogo a mahala vona.

Lukas 16:18

“E rei a bakovi i pilea e girihina, i parangi tabu a ngatavine tara, ra bakovi iea i mole. E rei a bakovi i parangi a ngatavine i pilea e girihina, ia tara i mole.

Lukas 16:20

Polovavo na ruma vona, a matasia tara, a rane Lasarus, i mahita mavonga na logona nure. I tuvu lobo vona a ngarava a kulina.

Kapiloho 17:4

A ngatavine i rodoa a varakia kuakua, vururu. I bagetu vona a maki ni rata na gol, a kedo mata kamumu, a meki. I nugu a kikei ni rata na gol, i vonu vona a naru katoki, ra i manga a kanena naro katoki vona ni mole.

Kapiloho 18:16

“‘Omo! A tanga kamumu-o, e huriki ri made vona ri rodo a varakia kamumu hateka, a lavalava kuakua, a lavalava vururu. O vakabagetu mule ioe na gol, na kedo mata kamumu, a meki!

Kapiloho 18:7

I vakabagetu mule ia, i pitei na mahala dagi vona. I mavonga, mu vakamadihia, mu ratea ge dedo. Mu rata mavonga, a vuhuna i taki mulea, i ta maea, ‘Iau a hariki ngatavine. Iau, i uka ma a havuri. I uka ma ge bele nau a vuranga, ga dedo.’