Lukas 16:15 - A Nitana Vure

¹⁵ Lakea e Isu i taki ria, i ta maea, “Mua kunana ra mu ngaru e huriki ri gi matai mua, ri gi luhoi ta mua a bakovi kamumu. Pali a Vure i lohoka ne mua, a vuhuna a maki e huriki a bakovi a ngatavine ri luhoi ta a maki kamumu hateka, a Vure i marikoi hateka vona.

Lukas 16:15 Iomraidhean Croise

Mateo 23:5

“A maki lobo ri rata, ri vakaholi kunana, e huriki ri gi matai. Ri tama na dumene ria a maka puhu na nitana hinere, ri bole na limane ria ranga. Ri rata a varakia na nivasileki ne ria i ola, i bola.

Mateo 6:16

“Na tahuna mu peremu, nahea mu gu mata vitoloka i manga e huriki a tabele rua ri rata. Ri rata ria i malulu a matane ria ri gi vakasiri e huriki ta ri pile a kinani. A taki muholi mua, a mapane ria ri bole loboa pali.

Mateo 6:2

Na tahuna mu habi a maki na matasia, naha ni rudu mugea a viri ge vaki a tavure ge vakalongo e huriki. E huriki a tabele rua ri rata mavonga pololilo na roho na vaponga, polovavo na dala. Ri ngaru e huriki ri gi kavurike ria. A taki muholi mua, ri bole lobo pali a mapane ria.

Mateo 6:5

“Na tahuna mu vasileki, naha ni rata manga e huriki a tabele rua. Na tahuna ri vasileki, ri pesi pololilo na roho na vaponga, o na harena dala, ri ngaru ni gi matai. A taki muholi mua, a mapane ria ri bole loboa pali.

Lukas 10:29

Pali a mari na vinara i ngaru ni vakasiri e huriki a ninana vona i kamumu, lakea i nana tabua, “E rei e turagu?”

Lukas 11:39

Pali e Bakovi Dagi i takia, i ta maea, “Mua o huriki a Pariseo mu paki ni ramai a maka vinara na kinani, na nininu, mu luhoi ta i rata mua mu malamala na matana Vure. Pali a hatene mua i katoki, mu kau a maki, mu rata a naro hale.

Lukas 18:11

A Pariseo i pesi rike i vasileki mule vona, i ta maea, ‘Vure nau, a kavurike ioe a vuhuna iau i uka ma a manga e huriki a bakovi ranga ri rabalaki a viri, ri panaho a maki. Iau i uka ma a manga e huriki ri rata a naro hale, ri mole. Iau i uka ma a manga a bakovi iea, ra bakovi ni bole a takis.

Lukas 18:14

“A taki mua, a Vure i puga vuroki a naro hale na bakovi ni bole a takis, pali a Pariseo iea, i uka ma i puga vuroki a naro hale vona, a vuhuna e rei a viri i bibi rike mule ia, a Vure bara i vakakirokoa. Pali e rei a viri i vakakiroko mule ia, a Vure bara i kavurikea.”

Lukas 18:21

Lakea i ta maea, “A vinara lobo nga a muri mai, a vakatubu na tahuna a kiroko vona.”

Lukas 18:9

E huriki ranga ri luhoi ta ria a viri kamumu, lakea ri biu e huriki ranga. Lakea e Isu i takia ne ria a nita vakakika iea,

Lukas 20:20

Lakea ri rudu e huriki ranga ri gi tamilalu ni muri ne Isu, ri gi kasisi, ri gi matanonoa ge rata ranga ngava hale, bara ri taki tala ne Pilato.

Lukas 20:47

Ri rata a nivasileki olaola, e huriki ri gi luhoi ta ria a bakovi kamumu hateka, pali ri panaho a ruma, a malala ne huriki a havuri. Re huriki nga, a Vure bara i habi a nimadihi dagi ne ria na tahuna i pelekado a narone ria.”

Ioanes 2:25

I uka ma i ngaru a bakovi tara ge vakalongoa vona a naro na bakovi, a vuhuna i lohoka vona pali a niluhoi ne huriki a bakovi lobo.

Ioanes 21:17

I balaka tolu ngane e Isu i nanea, “Simon tune Ioanes, ioe o ngaru iau?” Lakea e Petrus i kide tala, a vuhuna e Isu i nana balaka tolu, “Ioe o ngaru iau? Lakea e Petrus i takia e Isu, i ta maea, “Bakovi Dagi, o lohoka vona a maki lobo, o lohoka nau a ngaru ioe.” Lakea e Isu i takia, “O vakani a maka sipsip nau.”

Apostolo 1:18

Rira, na tahuna e Iudas i bole a moni na naro hale vona, i konea a hania. I vonga i boru mapasiri, i mapoda a kavutuna, i mahali tala a tamudina.

Apostolo 1:24

Muri ri vasileki, “Bakovi Dagi, o lohoka vona a hatene huriki lobo. O vakasiri mia vona e rei ne rua o ngarua,

Apostolo 15:8

A Vure i lohoka na niluhoi ne huriki a bakovi lobo. I vakasiri ria i vulaki ria na tahuna i habi a Hanu Kiripiripi ne ria, i manga a hini i rata ne hita.

A Raukea e Paulus i Here Lakea ne Huriki a Rom 3:20

I uka tara viri ge ramai a vinara lobo, lakea a Vure ge takia, ta ia a bakovi malamala. A leho na vinara, i rata hita si gi matakilaka vona a naro hale ne hita.

A Raukea e Paulus i Here Lakea ne Huriki a Rom 8:27

A Vure i lohoka na hatene hita, i lohoka na ningaru na Hanu Kiripiripi, a vuhuna a Hanu Kiripiripi i vasileki ne huriki a tara na Vure, i ramai a ningaru na Vure.

1 Korin 4:5

I mavonga, naha ni pelekado muga a naro na viri, muga ne Bakovi Dagi ge valai. Ge valai, ge vakasiri kavakava a naro hale e huriki ri rata kapiloho. Ge vakasiri kavakava a niluhoi kapiloho ne huriki, i navai ri rata a maki ri rata? Muri a Vure ge kavurike hita takutaku.

1 Petrus 3:4

A bagetua ne mua ge valai pololilo na hatene mua, manga a naro ni vakakiroko mua, ni made madoru. A Vure i ngaru hateka a bagetua maea. I uka ma ge lobo.

1 Petrus 5:5

Mua o huriki a riau, mu longototo e huriki a gare ne mua. Mu vakakiroko mua, mu vakori, a vuhuna a Hinere i ta maea, “E huriki ri bibi rike mule a rane ria, a Vure bara i gege ria. Pali e huriki ri vakakiroko ria, a Vure bara i rata kamumu ria.”

Kapiloho 2:23

Ga rabalaki e huriki e tuna. Na naro iea, e huriki a tara na Vure lobo ri gi lohoka vona, iau a viri a lohoka na niluhoi, na ningaru ne huriki lobo. Ga habi a mapane mua, i muri mai a narone mua.