Lukas 16:14 - A Nitana Vure

¹⁴ E huriki a Pariseo ri longo a ngavane Isu, ri padikedea e Isu, a vuhuna ri ngaru hateka a moni.

Lukas 16:14 Iomraidhean Croise

Mateo 23:13

“Mua e huriki a Pariseo, a mari na vinara na lotu mu tabele rua hateka! A Vure bara i ratapile mua! Mu tukari a logo na harikianga na hunu, i uka tara viri ge dili. Mu koi ni dili vona, pali mu hatekakari e huriki ranga ri ngaru ni dili.

Mateo 9:24

lakea i taki ria, “Mu ha. A koma i uka ma i mate. I mahita kunana.” Lakea ri nongo vakia.

Lukas 12:15

Muri i taki e huriki, i ta maea, “Mu matadoko! Naha ni ngaru ioe go tahoka a mahala ge kupo. A bakovi bara i tahoka a mahala i kupo, ra mahala vona i uka ma ge habi a nimahuri vona.”

Lukas 20:47

Ri rata a nivasileki olaola, e huriki ri gi luhoi ta ria a bakovi kamumu hateka, pali ri panaho a ruma, a malala ne huriki a havuri. Re huriki nga, a Vure bara i habi a nimadihi dagi ne ria na tahuna i pelekado a narone ria.”

Lukas 23:35

E huriki a bakovi a ngatavine ri pesi, ri matanono. E huriki a matakari ri padikedea e Isu, ri ta maea, “I korimule e huriki ranga. Pali ge ia e Kristo, a Viri a Vure i Vulakia, ge korimulea.”

Lukas 8:53

Lakea ri nongo vakia e Isu, a vuhuna ri lohoka vona a sirula i mate muholi pali.

2 Timoti 3:2

E huriki bara ri luhoi mule ria kunana. Bara ri ngaru hateka ni bole a mahala. Bara ri bibi rike mule a rane ria, ri tagege, ri ta hale na Vure, ri ta hale ne huriki. Bara ri longotaro a ngavane tamane, e kinane ria. Bara ri bole lupu a maki. Bara ri ngalahere vona a maka naro na Vure.

Hibru 11:36

E huriki ranga ri luhoi torea a Vure, ni harogi pile, ni lagu, ni kolotata na sen, ni ru dili na bavi.