Lukas 16:1 - A Nitana Vure

¹ E Isu i taki e huriki a murimuri vona i ta maea, “A bakovi na mahala tara i tahoka a bolekori i matakari a mahala vona. Pali e huriki ranga ri takia ra bolekori i rata marogo a mahala vona.

Lukas 16:1 Iomraidhean Croise

A Vuhuna 15:2

Lakea e Abram i nana maea, “Bakovi Dagi, ioe a matakari na maki lobo, a ra go habia nau? Iau a bala e tugu. A viri bara i bole a murigu re Elieser o Damaskus.

A Vuhuna 43:19

Ri masia a vora ne Iosep i pesi na matana ruma, ri lakea vona, ri ta maea,

Mateo 20:8

“Na malunga liu ngane, i takia a matakari na vora, i ta maea, ‘O gale palupu e huriki a vora, o kona ria. O vakatubu ne huriki ri bele muri.’

Lukas 12:42

E Bakovi Dagi i koli, i ta maea, “A bolekori i rata lobo a leho a bakovi dagi vona i habia, a bakovi dagi vona bara i ratea ge matakari e huriki a vora. Bara i takia ge veru a maki ni kani ne ria na tahuna i lakea na tanga tara.

Lukas 15:13

“I uka ma i tabaka, a viri kiroko i bole lobo a maki vona i vano, i havai maia a robo basi tara. I bele vona a robo iea, i vakalobo a mahala vona na naro hale.

Lukas 15:30

Pali re tumu iea, i vuroki tavula ne huriki a ngoi a mahala vomu. Ngane i hamule valai o rabalakia vona a tuna bulmakau gavutuvutu, o rata habu vona!’

Lukas 16:19

“A bakovi tara, a bakovi na mahala, i bagetu vakaroro na varakia kamumu. I vivi ni kani na parava vakaroro a kinani kamumu.

Lukas 16:2

Lakea i gale vilia a bolekori i nanea, ‘A ra maki a longoa ta o ratea? O vakalongo iau ngane, o matakari navai a mahala nau, a vuhuna bara o lobo na leho.’

Lukas 19:20

“Muri i valai tabu tara vora, i takia a hariki, i ta maea, ‘Bakovi dagi, a moni vomu o habi nau, a sivu na marapena kala a ruhulolo.

Lukas 8:3

e Ioana e girihine Kusa, re Kusa i matakari a ruma ne Herod, e Susana, turana e huriki a ngatavine ranga. E huriki a ngatavine nga ri habi bala a maki ne ria ni tuhoria e Isu.

Titus 1:7

O bole kunana e huriki a bakovi kamumu, a vuhuna o lohoka vona, a matakari na lotu i matakari e huriki a tara na Vure. Ge muri mai kunana a naro kamumu, bara ni keri ni padi virihia na naro hale. Nahea ge tagege. Nahea ge hinihate. Nahea ge ia a bakovi ni ninu. Nahea ge ia a bakovi ni vaubi. Nahea ge ngaru hateka a mahala.

Iakop 4:3

Pali na tahuna mu nanea a Vure, i uka ma mu bole a maki mu ngaru, a vuhuna na tahuna mu nanea, a niluhoi ne mua i hale. Mu ngaru kunana ni bole a maki ni vuroki na ningaru tavula.

1 Petrus 4:10

Mu matakari kamumu a nitora legelege a Vure i habi ne mua. Mu vakori na nitora nga.