Lukas 14:23 - A Nitana Vure

²³ “Lakea a tahona habu i takia a vora vona i ta maea, ‘O pea a tanga dagi, o ramai a maka dala dagi, a dala kiroko viliha polovavo na tanga, o taki e huriki lobo ri gi valai na habu nau. A ngarua a ruma nau ge vonu.

Lukas 14:23 Iomraidhean Croise

Mateo 21:43

I mavonga a taki mua, a harikianga na Vure bara ni bole hamule ne mua, bara ni habi ne huriki ri rata a maki a Vure i ngaru na harikianga vona.

Mateo 5:41

A nugumaheto ge vakuku ioe go laho turana na marava i taku, go kaloho polo a maki vona, o laho turana na marava ge rua.

Lukas 14:22

“A vora i longo mai a nitana tahona habu, muri i ta maea, ‘Bakovi dagi, ra ngava o taki a rata, pali a ruma i uka ma i vonu ma.’

Lukas 14:24

A taki muholi mua, re huriki a bakovi a gale muga ria, i uka ma ri gi kani turagu na habu nau.’”

Lukas 24:29

Lakea ru takia, ru ta maea, “O made turane maria, i malunga pali a hini, i popote ge rodo.” Lakea i vano i made turane rua.

Apostolo 16:15

Lakea ni vahilolo, turane huriki a kabu vona. Muri i taki mateu i ta maea, “Moto luhoi ge iau a murimuri muholi ne Bakovi Dagi, moto valai moto made na ruma nau.” Lakea mete longo, mete made turana.

Apostolo 18:6

Pali e huriki a Iuda ri hehea, ri harogia e Paulus. Lakea i madihi a hatena, i kurudu pasi a habulo na varakia vona, i taki ria, “Mua bara mu velu, naha ni padi virihi iau na ngava! A maki mua. Ngane ga vakalongo a Velenga Kamumu ne huriki i uka ma ria a Iuda.”

Apostolo 28:28

“I mavonga a ngaru mua mu gu lohoka vona, a velenga na nimahuri vakaroro na Vure ni vakaru lakea ne huriki i uka ma ria a Iuda. Ria bara ri longo mai!”

Apostolo 9:15

Pali e Bakovi Dagi i takia, “O vano! A bakovi iea, a ngarua ge lakea ne huriki a bakovi a ngatavine i uka ma ria a Iuda, e huriki a hariki, e huriki a Israel, ge vakalongo ria nau.

A Raukea e Paulus i Here Lakea ne Huriki a Rom 10:18

Pali ga nana, ri longoa pali, o i uka? I muholi ri longoa. A Hinere i ta maea, “A Velenga Kamumu ni longo na tabeke lobo na malala; a nitane ria i lakea na tanga lobo.”

2 Korin 5:11

I mavonga, a ta tora hateka vakaroro ne huriki ranga ri gi luhoi torea e Kristo, a vuhuna a mangenge ne Bakovi Dagi. A Vure i lohoka vona, iau a bakovi navai. A luhoi mua ranga mu lohoka nau na hatene mua.

2 Korin 5:20

Na naro iea, iau a vinuru ne Kristo. A vakalongo polo ne huriki a ngavana Vure i nana tora e huriki ri gi pulo a vilone ria. I mavonga, a nana tora mua na rane Kristo, mu lobo ni pilea a Vure, mu made turana na nivalemu.

2 Korin 6:1

Iau a leho turana Vure, lakea a taki tora mua, naha ni ngalahere a naro kamumu a Vure i rata virihi hita vona.

Kolosi 1:23

A maka ngava nga i muholi na tahuna mu nugutata, mu pesi tora na niluhoi ne mua, ma ge turari mua a maki tara bara mu vorotaparaki a maki si pasimata ni matai na Velenga Kamumu. Iau e Paulus a vora ni vakalongo a Velenga Kamumu iea, ra mu longoa pali, ni vakalongo lae ne huriki lobo na malala.

Kolosi 1:28

Miri vakalongo mua vona a Velenga Kamumu ne Isu Kristo. Miri tovo e huriki na lohokanga lobo, miri taki ria ri gi muri mai a nitana Vure, a vuhuna miri ngaru e huriki lobo ri gi malamala, ri gi lakea na Vure. Na tahuna ri gi bele na Vure, miri ngaru ria ri gi bele manga e Kristo.

2 Timoti 4:2

A taki tora ioe go tovo e huriki na Velenga Kamumu. O tovo ria na tahuna ri malopi, o tovo ria na tahuna i uka ma ri malopi. O pelekado a niluhoi ne huriki ri varoru. O tahate e huriki ri rata a naro hale. O vakatora a niluhoi ne huriki. O hatenono na tahuna o tovo ria.