Lukas 14:13 - A Nitana Vure

¹³ Na tahuna o rata a habu o gale valai e huriki a matasia, a beu, a vahahale, a kepa.

Lukas 14:13 Iomraidhean Croise

Mateo 15:30

E huriki ala kupo ri valai vona, ri tuli valai vona e huriki a vaha hale, e huriki a kepa, e huriki a beu, e huriki a ngavarubu, turana e huriki ranga. Ri taparaki ria na ngalane Isu. Lakea i vakamahuri ria lobo.

Mateo 22:10

Lakea e huriki a vora nga ri lakea na maka dala, ri tuli e huriki vonga. Ri tuli e huriki a bakovi hale, ri tuli e huriki a bakovi kamumu. Ria lobo ri valai na habu, i vonu a roho.

Lukas 11:41

Pali bara mu kori e huriki a matasia na hatene mua, bara mu kabakaba na matana Vure.

Lukas 14:12

Muri e Isu i takia a tahona ruma, i ta maea, “Na tahuna o rata a habu, naha ni gale e huriki a turamu, a kabu vomu, a bakovi na mahala. Bara o rata mavonga bara ri koli ri gale ioe o lakea na habu ne ria.

Lukas 14:14

Re huriki a bakovi maea bara ri keri ni koli a limamu. Ra i mavonga bara o vivi, a vuhuna a limamu bara ni koli na tahuna e huriki a bakovi kamumu bara ri pesi rike mule na nimate.”

Lukas 14:21

“Muri a vora i hamule, i vakalongo a tahona habu vona a ngava ne ria. A tahona habu i madihi a hatena, i takia a vora vona i ta maea, ‘O pagitala malaviriri lakea na maka dala dagi, a dala kiroko, o tuli valai e huriki a matasia, a beu, a kepa, a vahahale.’

Apostolo 9:39

Lakea e Petrus i pesi rike, i vano turane rua. Na tahuna i bele, ri tuli sikea na ruma langalanga. E huriki a havuri ri pesi halui ia, ri tangi, ri vakasiria vona a maka varakia e Dorkas i rata na tahuna i tabana ni mahuri.

Vinara 14:29

Ra maki ni kani nga ne vona e huriki a Levi, a vuhuna ri uka a malala, a ruma. Ra maki ni kani nga tabu, bara mu luhoi e huriki a mosi, e huriki a duku, e huriki a havuri ri made na tanga ne mua. Re huriki nga ri gi valai, ri gi bole na ningaru ne ria a maki ni kani. Mu rata mavonga, lakea e BAKOVI DAGI bara i gamai mua.”

Vinara 16:11

Mu lakea na tabeke ni vasileki, na matane BAKOVI DAGI mu kavurike ia vonga. Mua turane huriki e tune mua, a vora bakovi a vora ngatavine, e huriki a kabu ne Levi, e huriki a mosi, e huriki a tuna duku, e huriki a havuri, e huriki lobo ri made na tanga ne mua, mua lobo mu pitei palupu.

Vinara 16:14

Mua turana e huriki e tune mua, e huriki a vora bakovi a vora ngatavine, e huriki a kabu ne Levi, e huriki a mosi, e huriki a tuna duku, e huriki a havuri, e huriki lobo ri made na tanga ne mua, mu kani mu vivi.

1 Timoti 3:2

I mavonga, a viri ni ru ge ia a matakari, ge muri mai kunana a naro kamumu, bara ni keri ni padi virihia na naro hale. E girihina ge taku kunana. Nahea ge ramai a ningaru tavulavula vona. Nahea ge rata tavula a maki, ge ramai a niluhoi kamumu. E huriki ri gi togoa. Ge matakari kamumu e huriki ri valai na ruma vona. Ge lohoka ni tovo e huriki na nitana Vure.

1 Timoti 5:10

O here kunana a rana e huriki a havuri ni matakilaka vona ri rata a naro kamumu, ri matakari kamumu e tune ria, ri matakari a mosi, ri vahilolo a vahane huriki a tara na Vure, ri tuhori e huriki ri marego, ri habi a hatene ria na maka naro kamumu ranga.

Titus 1:8

Ge matakari kamumu e huriki a mosi vona. Ge ngaru kunana a naro kamumu. Nahea ge rata tavula a maki. Ge ramai a niluhoi kamumu. Ge malamala, ge kiripiripi na matana Vure. Ge matakari kamumu a ningaru hale na kakaina.

Pilemon 1:7

O vakasiri manga o ngaru hateka e huriki a tara na Vure, o rata kamumu hateka ria, o vakatora a niluhoi ne ria. Na naro iea kunana, o vakatora a niluhoi nau, o rata iau a vivi.

Hibru 13:2

Mu tagui, mu matakari e huriki a mosi ri bele ne mua. Hosi e huriki ranga ri matakari a mosi, pali i uka ma a bakovi ri matakari. A agelo ri pahaluhoi ta a bakovi.