Lukas 13:7 - A Nitana Vure

⁷ Lakea i takia a vora i matakari a hania na vain vona, i ta maea, ‘Na pida i tolu a valai ta ga pasia a pik, pali i uka ma matavisia tara kanena. I navai ge pesi tavula na malala kamumu iea? O tolo vurokia ngane!’

Lukas 13:7 Iomraidhean Croise

A Nimariu 32:10

Iau, i madihi a hategu ne ria. Ngane ga ratapile ria, naha ni hatekakari iau. Muri ga rata ioe, turane huriki a hamomu bara mu kuloi ria, mu bele kupo.”

E Levi 19:23

“Na tahuna mu lakea na malala e Kenan, mu varo a maka kai i vona a kanena. Pali naha ni kani a kanena kai na pida ge tolu.

E Levi 25:21

Naha ni loho lege lae. E BAKOVI DAGI bara i gamai a malala na polotarana pida, ge bele kupo a maki ni kani, mu kani na pida i tolu.

Mateo 7:19

A kai lobo i uka ma ri vakabele a kanena i kamumu, bara ni tolo vuroki, ni voro rike na kanono.

Lukas 13:8

“Lakea a vora i koli i ta maea, ‘Bakovi Dagi, ge pesi taro na pida ge taku. Ga kado haluia, ga mugo rikea a malala vakuloi vona.

Lukas 3:9

A kira i tabuli tabukoi pali na vuhuna kai. A kai i uka kanena kamumu, bara ni tolo puru, ni rungani.”

Ioanes 15:2

I paku vuroki a maka rahagu ri uka a kanene ria. Pali a rahagu ranga ri tahoka kanena, bara i kisi kamumu ria, ri vua hateka.

Ioanes 15:6

Na tahuna a viri i uka ma i rihi iau, i manga a rahana kai ni tolo vuroki ge malai. Muri bara ni voro rike na kanono, ri nono.