Lukas 12:5 - A Nitana Vure

⁵ Ga vakalongo mua vona e rei a viri mu gu mangenge vona. Mu mangenge vona a viri i tahoka a nitora ni rabalaki mua, i tahoka a nitora ni voro puru a hanune mua na kanono. Muholi hateka, a taki mua, ia a viri bara mu mangenge vona.

Lukas 12:5 Iomraidhean Croise

Mateo 10:28

Naha ni mangenge ne huriki a bakovi. Ria bara ri rabalaki kunana a kakaine mua. Pali a hanune mua, ri keri ni rabalakia. A viri bara mu mangenge vona, a Vure, a vuhuna i kara ia ge ratapile a kakaine mua, a hanune mua na imperno.

Mateo 25:41

“Muri bara i taki e huriki ri pesi na limana a maurina, i ta maea, ‘Mu ha nau. A Vure i ruduraha mua. Mu vano, mu puru na kanono i nono vakaroro. Ra kanono iea, ni tunu puru ge puru vona e Satan turana e huriki a agelo vona, re huriki a hanitu.

Mateo 25:46

“Muri bara ri vano, ri bole a nimadhi vakaroro. Pali e huriki ri malamala bara ri bole a nimahuri vakaroro.”

Mateo 5:22

Pali iau a taki mua, e rei a viri i tahatea e turana, a Vure bara i pelekadoa. I muholi, e rei a viri i ratapilea a rane turana bara i pesi na kot ne huriki a Iuda. Pali e rei a viri i ta maea, ‘Ioe a manga,’ bara i puru na kanono na imperno.

Markus 13:23

Ngane mu mamata! A taki muga mua vona pali a maka maki ge bele muri ma.

1 Tesalonika 4:6

I mavonga, nahea a bakovi ge tami e turana, ge rata halea, ge tulia e girihina. Mete taki mua pali, e huriki a bakovi ri ratea a naro hale iea e Bakovi Dagi bara i vakamadihi ria.

Hibru 10:31

A maki ni mangenge hateka vona, a Vure Mahuri ge lakavu ioe, ge vakamadihi ioe.

2 Petrus 2:4

Bara ri vurua, a vuhuna hosi e huriki a agelo ri rata a naro hale, a Vure i uka ma i dodo ria. I kolo tata ria na sen, i voro puru ria na lovo i uvo hateka, ri gi davea a parava a Vure ge pelekado ria, ge habi a nimadihi ne ria.

Kapiloho 14:7

I gale tala dagi, i ta maea, “Mu mangenge na Vure, mu vakabagetua, a vuhuna a parava i bele pali, ge pelekado a narone huriki lobo. Mu kavurikea a viri i ratarike a hunu, a malala, a dari, a maka naru bele.”

Kapiloho 15:4

O Bakovi Dagi, e huriki lobo ri vakabagetua a ramu, ri mangenge vomu. Ioe kikeri o malamala. E huriki na tanga lobo ri gi valai ri gi kavurike ioe, a vuhuna i bele kavakava a naro kiripi vomu.”

Kapiloho 20:14

Muri, a matenga, a muri ne huriki ri mate pali, ni voro puru na darilomu na kanono. A naro iea ni gale a ruana matenga, a darilomu na kanono.