Lukas 12:4 - A Nitana Vure

⁴ “Mua o huriki a turagu, a taki mua, naha ni mangenge ne huriki ri ngaru ni rabalaki a kakaine mua. Bara ri rabalaki a kakaine mua, pali a hanune mua, i uka ma ri gi rabalakia.

Lukas 12:4 Iomraidhean Croise

Mateo 10:28

Naha ni mangenge ne huriki a bakovi. Ria bara ri rabalaki kunana a kakaine mua. Pali a hanune mua, ri keri ni rabalakia. A viri bara mu mangenge vona, a Vure, a vuhuna i kara ia ge ratapile a kakaine mua, a hanune mua na imperno.

Ioanes 15:13

A viri i ngaru hateka e huriki a turana, lakea i mate na murine ria, a ningaru vona i dagi hateka.

Apostolo 20:24

Iau i uka ma a luhoia a nimadegu ga maki dagi. A ngaru kunana ga vakalobo kamumu taroa a leho e Isu a Bakovi Dagi i habia nau ga ratea: Ga vakalongo ne huriki a Velenga Kamumu na naro kamumu na Vure.

Apostolo 4:13

E huriki a matakari na Iuda ri turutu na tahuna ri matai e Petrus, e Ioanes i uka ma ru mangenge ni ta. Ri turutu a vuhuna ri matakilaka vona rua a bakovi tavula, i uka ma ni tovo. Pali ri matakilala rua, ru laho turane Isu muga.

Pilipai 1:28

Naha ni mangenge ne huriki a pile ne mua. Na tahuna mu rata mavonga, bara i vakasiri kavakava ria, ria bara ri vurua, pali a Vure bara i korimule mua.

Iakop 2:23

A nitana Vure i muholi, ni here i ta maea, “E Abraham i luhoi torea a Vure, lakea a Vure i galea a bakovi malamala.” Lakea ni taki e Abraham e turana Vure.

1 Petrus 3:14

Pali bara mu laho malamala, lakea ni vakamadihi mua vona, a Vure bara i gamai mua. I mavonga, naha ni mangenge ne ria. Naha ni loho pae.

Kapiloho 2:10

I popote mu gu bole a maregoa, pali naha ni mangenge. Mu longo, e Satan i popote ge ru dili ranga ne mua na bavi, ge toha mua, bara mu tahoka a maregoa na parava i ravulu. Mu pesi tora ni luhoi tora iau, ge vano ge harena na tahuna mu mate, lakea iau bara habi ne mua a mapane mua, ra a nimahuri vakaroro, i manga a viri i mulangi na rihiva i bole a tama.