Lukas 12:37 - A Nitana Vure

³⁷ Na tahuna i hamule valai, bara i rata kamumu e huriki a vora vona i uka ma ri mahita. A taki muholi mua, ra bakovi dagi iea bara i bagetu i taki ria ri made na dede, i vakani ria.

Lukas 12:37 Iomraidhean Croise

Mateo 24:42

I mavonga mu mamata, a vuhuna i uka ma mu lohoka vona a parava ge valai vona e Bakovi Dagi.

Lukas 12:36

Mu dava manga e huriki a vora ri pasimata na matakari ne ria ge hamule valai na habu na parangia. Ri davea ge hamule valai, bara ri talea a logo na ruma, ge dili a matakari ne ria.

Lukas 12:43

Muri, na tahuna a bakovi dagi i hamule valai, i masia a bolekori iea i rata kamumu a leho vona, bara i rata kamumu hatekea.

Lukas 17:8

“I uka. A hini bara o takia vona, bara o ta maea, ‘O hilolo, o gutu a maki ni kani nau, o bole valai, ga kani, ga ninu taro iau. Muri bara o kani o ninu ke.’

Lukas 21:36

Mu matadoko na parava vakaroro. Mu vasileki bara mu tahoka a nitora ni pologege vona a rabu hale nga, ra ri gi bele, bara mu pesi na matana Tuna Bakovi.”

Lukas 22:27

E rei a viri i dagi? A viri i mamade na dede o a vora i habi a maki ni kani vona? A viri i mamade na dede i dagi. Pali iau a valai, a made turane mua ge iau a vora ne mua.

Ioanes 12:26

E huriki ri ngaru ge ria a vora nau, ri gi muri nau. Lakea bara ri made turagu na hini ga made vona. E Tata bara i kavurike e huriki ri rata a leho nau.”

1 Korin 2:9

Ni here hosi maea, “I uka tara viri ge matai, i uka tara viri ge longo, i uka tara viri ge longo visi na hatena a maka bagetua kamumu a Vure i kado puru, ge habi ne huriki ri ngaru hatekea.”

Pilipai 1:21

Pali ne nau, a luhoi maea. Na tahuna a mahuri, bara rata a leho ne Kristo. Na tahuna a mate, bara made kamumu hateka.

Pilipai 1:23

A hate varua. A ngaru ni vano, ga made turane Kristo, a vuhuna a naro iea i rangi a naro lobo.

2 Petrus 1:11

Mu ramai a maka naro nga, muri a Vure bara i vivi hateka ni tagui mua na tahuna mu dili na harikianga ne Isu Kristo, a Bakovi Dagi ne hita, a Viri i Korimule hita. A harikianga vona i uka nilobona.

2 Petrus 3:14

I mavonga, mua e huriki a turagu, mu toni a bulune mua ni laho malamala, ge uka ranga naro hale mu gu rata, lakea bara mu made na nivalemu. Muri ma, na tahuna a Parava iea ge valai, ra mu davea, e Bakovi Dagi bara i matai mua mu laho kamumu.

Kapiloho 14:13

Muri a longo a lohona viri i gale na hunu, i ta maea, “O here maea: I vakatubu ngane, e huriki ri luhoi torea e Bakovi Dagi, pali ri mate, ri gi vivi.” A Hanuna Vure i ta maea, “I muholi hateka ri gi vivi. Ri gi malo na leho dagi ri ratea, a vuhuna ni lohoka vona pali a naro kamumu ri ratea!”

Kapiloho 16:15

“Mu longo! Popote ga valai vakaturutu, i manga a panaho! E huriki i uka ma ri mahita, ri matapara, ri rodo a varakia ri gi vivi, a vuhuna i uka ma ri gi bobo. I uka ma ni gi matai a mudune ria.”

Kapiloho 3:21

E rei a viri i mulangi, bara ratea ge made turagu na gula hariki nau, i manga a hini iau tara a mulangi hosi, a made turane Tata na gula hariki vona.

Kapiloho 7:17

a vuhuna a Tuna Sipsip, ra i pesi na ngalana gula hariki, ge matakari ria manga a matakari na sipsip. Ge tuli ria, ri gi lakea na naru bele, ra naru na nimahuri. A Vure ge ravunu na matane ria a luhane ria, i uka ma ri gi tangi tabu.”