Lukas 12:32 - A Nitana Vure

³² “Mua o huriki a kabu kiroko na sipsip nau, naha ni mangenge, a vuhuna e Tamane mua i vivi ni habi ne mua a harikianga vona.

Lukas 12:32 Iomraidhean Croise

Mateo 14:27

Pali e Isu i malaviriri kunana i taki ria, “Naha ni mangenge, mu tuhaka! Iau kunana.”

Mateo 20:16

“I mavonga kunana, e huriki ri muri bara ri muga. E huriki ri muga bara ri muri.”

Mateo 25:34

Muri a Hariki bara i taki e huriki ri pesi na limana a kanena, ‘Mu valai, mua e huriki e Tata i vakabagetu mua. Mu bolea a harikianga, ra ni rata puru ne mua na tahuna i ratarike a hunu a malala.

Mateo 7:15

“Mu matadoko vona e huriki a nitamina propet. Ri tamilalu ni rata a rabu kamumu, pali ri ngaru ni ratapile mua. Ri manga a kaugara i tamilalu ni made madoru, ge lakavu a sipsip.

Lukas 10:21

Muri a Hanu Kiripiripi i ratea e Isu i vivi, lakea i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa ne huriki ri luhoi ta ri lohoka hateka. I muholi, o Tata, o muri mai a ningaru vomu o rata mavonga.”

Ioanes 18:36

E Isu i ta rike, i ta maea, “A hariki­anga nau i uka ma a maki na malala. Pali a harikianga nau ga maki na malala, e huriki a vora nau bara ri gege, ri vaubi, e huriki a Iuda i uka ma ri gi lakavu iau. Pali a harikianga nau i uka ma a maki na malala.”

Apostolo 20:28

Mu matakari kamumu mua turane huriki a kabukabu. A Hanu Kiripiripi i habi ria na limane mua, ge mua a matakari ne ria. Mu leho manga a matakari na tara na Vure, a Vure i konamule ria pali na darane Tuna.

Apostolo 20:29

Iau a lohoka vona, muri ne iau ga vano, e huriki a bakovi hale bara ri valai ne mua, ri tami mua, bara ri toni ni ratapile a niluhoi ne mua, i manga a kaugara i ratapile a kabuna sipsip.

A Raukea e Paulus i Here Lakea ne Huriki a Rom 6:23

A mapana naro hale a matenga. Pali a nimahuri vakaroro, a Vure i habi tavula ne hita, a vuhuna si rihi e Isu Kristo, a Bakovi Dagi ne hita.

1 Korin 1:21

A Vure i tahoka a niluhoi kamumu hateka. I rata maea, e huriki i uka ma ri gi lohoka na Vure na tahuna ri ramai a lohokanga na malala. Pali i vivi ni korimule e huriki ri luhoi torea a ngava ni vara ria vona, ra ngava e huriki ri luhoi ta a ngava tavula.

Pilipai 2:13

a vuhuna a Vure i leho pololilo ne mua, i habi a ningaru ne mua, a nitora ne mua ni rata a maki i vivi vona.

2 Tesalonika 1:11

I mavonga, mete vasileki vakaroro na Vure, ge tuhori mua mu gu laho manga a hini i ngaru mu gu laho vona. Mete vasileki vona ge habi a nitora ne mua, mu gu rata a maka naro kamumu mu luhoi ni ratana.

2 Tesalonika 1:5

Na tahuna mu pesi tora mavonga, i vakasiri hita na Vure i pelekado kamumu e huriki. I mavonga, a Vure ge taki mua, mua a viri kamumu, mu gu made na harikia vona, ra ngane mu bole a nimadihi a vuhuna mu ngaru ni dili vona.

Hibru 12:28

I mavonga, si gi vivi ni bole a harikianga muholi, ra i keri ni gi polu. Si gi kavurikea a Vure na naro i vivi vona. Si gi togoa, si gi mangenge vona,

Iakop 2:5

Mua e huriki a turagu, a ngaru hateka mua, mu longo kamumu. A Vure i vulaki e huriki a matasia na malala ri gi luhoi torea, ri gi tahoka a mahala meli na hunu, ri gi dili na harikianga vona, i manga a hini hosi i ta muholi vona, e huriki ri ngaru hatekea ri gi bole.

2 Petrus 1:11

Mu ramai a maka naro nga, muri a Vure bara i vivi hateka ni tagui mua na tahuna mu dili na harikianga ne Isu Kristo, a Bakovi Dagi ne hita, a Viri i Korimule hita. A harikianga vona i uka nilobona.

Kapiloho 1:6

I rata hita si bele manga a harikianga vona, si manga a prister na Vure vona, re Tamana. Ne vona kunana a bagetuanga, a nitora lobo ni matakari a maki lobo vakaroro. I muholi.

Kapiloho 22:5

A rodo i uka ma ge bele tabu vonga. I uka ma ri gi ngarua a nipara, o a haro, a vuhuna a Vure e Bakovi Dagi ia a nipara ne ria. Ri gi matakari turana na parava vakaroro, i uka nilobona.