Lukas 12:21 - A Nitana Vure

²¹ “E huriki a bakovi na mahala, ri mavonga. Ri ru kadolu a mahala i kupo, pali na matana Vure, ria a matasia.”

Lukas 12:21 Iomraidhean Croise

Lukas 12:33

Mu habi a maka mahala ne mua ne huriki a matasia, lakea bara mu tahoka a mahala meli na hunu. A mahala meli i uka ma ge matutu, i uka ma ge lobo, i uka ma ni gi panaho, i uka ma ge kani a kuruve.

Lukas 16:11

I mavonga kunana, mua i uka ma mu matakari kamumu a mahala na malala, i uka tara viri ge luhoi mua mu gu matakari kamumu a mahala muholi.

Lukas 6:24

Pali mua o huriki a viri na mahala ngane, a Vure bara i ratapile mua, a vuhuna mu bole pali a nimade kamumu ne mua.

A Raukea e Paulus i Here Lakea ne Huriki a Rom 2:5

A Vure bara i vakamadihi hateka ioe, a vuhuna o putu ngingi, i uka ma o pulo a vilomu. Bara i habi a nimadihi vomu muri ma na tahuna a rongova vona ge bele kavakava, ge pelekado e huriki lobo na naro i taku kunana.

2 Korin 6:10

A made dukuduku, pali a vivi vakaroro. A made manga a matasia, pali a rata e huriki ala kupo ri tahoka a mahala. A made manga a uka liu a maki, pali a maki lobo ne nau.

1 Timoti 6:9

Pali e huriki ri ngaru ni tahoka a mahala i kupo, bara i luve ne ria a nitoni hale. Bara ri puru na hoa. Bara ri ngaru ni rata a naro manga manga legelege, ge rata hale ria, ri gi bole a vuranga vona.

Iakop 2:5

Mua e huriki a turagu, a ngaru hateka mua, mu longo kamumu. A Vure i vulaki e huriki a matasia na malala ri gi luhoi torea, ri gi tahoka a mahala meli na hunu, ri gi dili na harikianga vona, i manga a hini hosi i ta muholi vona, e huriki ri ngaru hatekea ri gi bole.

Kapiloho 2:9

Iau a lohoka vona, mua ni vakamarego, mu bala a maki na malala, pali mu tahoka a mahala. A lohoka ne huriki ri taki ta ria a Iuda muholi, pali ria a tara ne Satan, ri padi a kidune mua.