Lukas 12:17 - A Nitana Vure

¹⁷ I taki mulea, i ta maea, ‘A ra ga ratea ngane? A uka a roho dagi ga ru kadolu a maki ni kani vona.’

Lukas 12:17 Iomraidhean Croise

Mateo 16:7

Lakea ri vakatubu ni vata, ri ta maea, “I ta maea a vuhuna i uka ma si bole valai a bret.”

Mateo 5:42

O habi na viri i nongi a maki vomu. Naha ni vakatoku na viri i ngaru ni bole taro vomu ranga maki.

Lukas 10:25

Na parava tara a mari na vinara tara i pesi rike, i tonia e Isu, i nana maea, “Mari ni tovo, a ra maki ga ratea ga bole a nimahuri vakaroro?”

Lukas 11:41

Pali bara mu kori e huriki a matasia na hatene mua, bara mu kabakaba na matana Vure.

Lukas 12:16

Muri i takia ne ria a nita vakakika iea, “A bakovi na mahala tara i tahoka a hania i vakabele a maki ni kani i kupo hateka.

Lukas 12:18

“Muri i ta maea, ‘Ngane ga rata maea. Ga puka puru a maka roho ni ru kadolu a maki ni kani, ga hae rike tabu ria ri gi dagi. Muri bara ru kadolu a vit, a mahala nau.

Lukas 12:22

Muri e Isu i taki e huriki a murimuri vona i ta maea, “I mavonga a taki mua naha ni luhoi lege lae vona a nimade ne mua, a maki mu gu kani. Naha ni luhoi lege lae vona a kakaine mua, na a ra maki mu gu rodo.

Lukas 12:29

Naha ni luhoi hateka a maki mu gu kani, mu gu ninu. Naha ni luhoi legelege.

Lukas 12:33

Mu habi a maka mahala ne mua ne huriki a matasia, lakea bara mu tahoka a mahala meli na hunu. A mahala meli i uka ma ge matutu, i uka ma ge lobo, i uka ma ni gi panaho, i uka ma ge kani a kuruve.

Lukas 16:3

“A bolekori i luhoi lege lae, lakea i luhoi maea, ‘A bakovi a leho vona bara i vakalobo iau ngane na leho. A ra ga ratea ngane? A uka a nitora ga leho ga keli a malala. A maruhu ni nongi a maki na viri tara.

Lukas 16:9

I mavonga, a taki mua, mu hatebalala, mu habi lae a mahala ne mua, lakea e huriki bara ri ngaru a vilone mua. Muri, na tahuna i lobo a mahala, bara mu tahoka a tanga meli na hunu mu gu made vona vakaroro.

Lukas 18:22

Na tahuna e Isu i longoa, i takia, “A maki tara i uka ma o ratea ma. O vano o habi a maki lobo vomu ni gi kona. O bole a mapana o habi ne huriki a matasia, bara o tahoka a mahala na hunu. Muri o valai o muri nau.”

Lukas 19:17

“Lakea a hariki i takia a vora i ta maea, ‘Kamumu hateka! Ioe a vora kamumu. Ngane o matakari a tanga dagi ge ravulu, a vuhuna o rata kamumu a leho kiroko.’

Lukas 3:11

E Ioanes i koli, i ta maea, “A viri i tahoka a varakia i rua, ge habia tara na viri i bala a varakia. A viri i tahoka a maki ni kani, ge habi ranga na viri i uka maki ni kani.”

Apostolo 16:30

Muri i tuli tala rua, i nana, “Marua a bakovi dagi nau, a ra maki ga ratea ga bole a nimahuri vakaroro?”

Apostolo 2:37

Na tahuna e huriki ri longoa a ngavane Petrus, i padi a hatene ria, lakea ri nana e Petrus turana e huriki a apostolo ranga, ri ta maea, “Mua o huriki a turane mia, a ra mi gi ratea ngane?”

A Raukea e Paulus i Here Lakea ne Huriki a Rom 12:13

E huriki a tara na Vure ri bala vona tara maki, mu tuhori ria. E huriki a mosi ri gi bele taho mua, mu matakari ria.

1 Timoti 6:17

O taki e huriki ri tahoka a mahala i kupo, nahea ri gi bibi rike mule ria. A mahala na malala bara i lobo vakaturutu, lakea nahea ri gi luhoi ge kori ria. Ri gi luhoi kunanea a Vure, a vuhuna a Vure i hatebalala. I habi ne hita a maki lobo si gi pitei vona.

1 Ioanes 3:16

E Kristo i vakasiria ne hita a naro ni vangaru muholi. I mate na murine hita. I mavonga, hita ranga, i kamumu si gi ramai a narone Kristo, si gi lohopile mule hita, si gi vatuhori.