Lukas 11:32 - A Nitana Vure

³² Hosi e huriki a bakovi a ngatavine o Ninive ri pulo a vilone ria na tahuna e Iona i vara ria. Pali iau a dagi hateka ne Iona, a vara mua, pali mua i uka ma mu pulo a vilone mua. Muri ma na tahuna a Vure ge pelekado e huriki, e huriki a Ninive bara ri pesi rike, ri taki mua, ‘A Vure ge pelekado mua.’

Lukas 11:32 Iomraidhean Croise

Iona 3:4

Na mugana parava e Iona i laho dili na tanga dagi, i ta maea, Ge lobo a parava ge ravulu va, e Ninive ni gi ratapile.

Iona 3:5

E huriki o Ninive ri longoa a nitana Vure, ri taki ri gi peremu na kinani, ri gi rea na matutuna kala, i tubu ne huriki a kakaina tanga, i puru ne huriki a matasia.

Iona 4:9

Muri a Vure i takia e Iona, A mota i malai pali, o tahate ke. Ra rongova vomu, i kamumu? Lakea e Iona i koli, i ta maea, A rongova nau i kamumu. I madihi hateka a hategu, a popote ga mate.

Mateo 12:39

Pali e Isu i koli, “E huriki na tahuna mona, ri hale hateka, ri ha taroa a Vure i manga a ngatavine i ha taroa e kakaina, i mole lae. Ri ngaru ni matai a nivakasiri! Pali i uka ma mu gu masia tara nivakasiri. A nivakasiri i taku kunana bara mu masia, a ni vakasiri ne Iona a propet.

Mateo 12:41

Hosi e huriki a bakovi a ngatavine o Ninive ri longoa a vinara ne Iona, ri pulo a vilone ria. Pali iau a dagi hateka ne Iona, a vara mua, pali i uka ma mu pulo a vilone mua. I mavonga, muri ma na tahuna a Vure ge pelekado e huriki, e huriki a Ninive bara ri pesi rike, ri taki mua mu velu pali.

Lukas 11:31

Hosi a hariki ngatavine o Siba i havai valai ge longo a lohokanga ne Solomon. Iau a dagi hateka ne Solomon, pali mua i uka ma mu longototoa a lohokanga nau. Lakea muri ma na tahuna a Vure ge pelekado e huriki, a hariki ngatavine iea bara i pesi rike, i taki mua, ‘A Vure ge pelekado mua.’

Hibru 7:26

E Isu a prister dagi kamumu hateka. I malamala, i uka ma i ratea tara naro hale. I made herehere ne hita e huriki a bakovi na malala. A Vure i vakamadea polomeli liu na hunu.