Lukas 10:7 - A Nitana Vure

⁷ Mu mahita na ruma i taku kunana. Mu made na ruma iea, mu kani mu ninu a maki ni habi ne mua, a vuhuna a vora na leho i tahoka a mapana.

Lukas 10:7 Iomraidhean Croise

Ni Gi 18:31

Ra maki ni kani nga, i manga a mapa ne mua mu rata a leho pololilo na Kape na Vaponga. I mavonga mua, turane huriki a kabu ne mua, mu vano mu kani a kalavana maki ni kani na hini lobo.

Markus 6:10

Muri i ta maea, “Na tahuna mu lakea na ruma tara, mu made vonga ge harena na tahuna mu pe a tanga iea.

Lukas 10:6

A bakovi na nivalemu ge made vonga, a nivalemu bara i rike vona. Pali a bakovi i made vonga i uka ma ga bakovi na nivalemu, a nivalemu bara i hamule mai mua.

Lukas 9:4

E rei a tanga mu dili vona, mu made na ruma ge taku kunana.

Apostolo 16:15

Lakea ni vahilolo, turane huriki a kabu vona. Muri i taki mateu i ta maea, “Moto luhoi ge iau a murimuri muholi ne Bakovi Dagi, moto valai moto made na ruma nau.” Lakea mete longo, mete made turana.

Apostolo 16:34

I tuli rua lakea na ruma vona, i vakani rua. I vivi hateka turana e huriki a kabu vona, a vuhuna ngane ri luhoi torea a Vure.

Apostolo 16:40

Muri e Paulus e Sailas ru lakea na ruma e Lidia, ru vapopo turane huriki a kabukabu, ru vakatora a niluhoi ne ria, muri ru vano.

Galesia 6:6

Si gi habi a maki kamumu ne huriki ri tovo hita na nitana Vure.

Vinara 12:12

Mua, e huriki e tune mua, a vora ne mua, e huriki a Levi ri made na tanga ne mua, mua lobo mu lakea tabukoi ne BAKOVI DAGI a Vure ne mua, mu vivi vona. Mu luhoi kamumu e huriki a Levi ri uka a malala.

Vinara 18:8

E huriki a prister ri gi bole a maki ni kani ge palupulupu. Pali a maki ranga tabu i habi a kabu ne ria, ri gi bole.

1 Timoti 5:13

A naro tara ri ratea, ri rakoli tavula, ri laho polovano na maka ruma. Muri ri vakatubu ni padimomo, ri rahi dili ria na maki na viri tara, ri taki a maka ngava hale.

2 Timoti 2:6

A bakovi i leho hateka na hania bara i bole muga a maki ni kani i varo na hania.