Lukas 10:42 - A Nitana Vure

⁴² A maki i taku kunana a maki muholi go luhoia. E Maria i vulakia pali a maki kamumu hateka. I uka ma ga vakatokua.”

Lukas 10:42 Iomraidhean Croise

Markus 8:36

A ra i kamumu vona a bakovi ge bole lobo a maka maki na malala, pali ge mate ia?

Lukas 10:39

E Marta i tahoka e tarina, a rana e Maria. E Maria i made puru tabukoi na vahane Bakovi Dagi, i longo a ngavana.

Lukas 11:1

Na tanga tara e Isu i vasileki. Na tahuna i vasileki lobo, lakea a murimuri vona tara i takia, “Bakovi Dagi, o tovo mia na nivasileki, i manga e Ioanes i tovo e huriki a murimuri vona.”

Lukas 12:20

“Pali a Vure i takia i ta maea, ‘Ioe a manga! Na rodo iea bara o mate. Pali e rei ge bole polo a maka maki o rata puru?’

Lukas 12:33

Mu habi a maka mahala ne mua ne huriki a matasia, lakea bara mu tahoka a mahala meli na hunu. A mahala meli i uka ma ge matutu, i uka ma ge lobo, i uka ma ni gi panaho, i uka ma ge kani a kuruve.

Lukas 16:2

Lakea i gale vilia a bolekori i nanea, ‘A ra maki a longoa ta o ratea? O vakalongo iau ngane, o matakari navai a mahala nau, a vuhuna bara o lobo na leho.’

Lukas 16:25

“Pali e Abraham i koli, i ta maea, ‘O tugu, o luhoi mule na tahuna o mahuri vona. A maka maki kamumu i bele vomu. Pali a maka maki hale kunana i bele ne Lasarus. Pali ngane ia i made kamumu ieni, o bole a nimadihi iene ke.

Lukas 18:22

Na tahuna e Isu i longoa, i takia, “A maki tara i uka ma o ratea ma. O vano o habi a maki lobo vomu ni gi kona. O bole a mapana o habi ne huriki a matasia, bara o tahoka a mahala na hunu. Muri o valai o muri nau.”

Lukas 8:18

E rei a viri i longokilala a ngava bara ni habi tabu ranga. A viri i uka ma i longokilala a ngava, pali ra ngava i luhoi ta i longokilala, bara ni bole hamule vona. I mavonga, mu luhoi kamumu a ngava mu longo.”

Ioanes 11:1

Na parava tara a bakovi o Betani, a rana e Lasarus, i giloa. E kura­bana e Maria e Marta, rua ranga ru made vonga o Betani.

Ioanes 11:19

lakea i kupo e huriki a Iuda ri bele mai e Maria e Marta ri gi luke rua, a vuhuna i mate pali e kura­bane rua.

Ioanes 12:3

Lakea e Maria i bolea a kalavana lita na mangisipa, ni rata na vutuna kai a nard, a mapana i dagi hateka. I guru langa na vahane Isu, muri i ravu na vuna. Lakea a mangina mangisipa i huli hateka pololilo na ruma.

Ioanes 17:3

A nimahuri vakaroro i maea: ri gi lohoka vomu, ioe kikeri a Vure muholi. Ri gi lohoka tabu nau, iau e Isu Kristo, o rudu iau a valai.

Ioanes 4:14

Pali e huriki ri ninua a naru iau a habi, i uka ma ri gi marohu tabu. Muholi hateka a naru iau a habi bara i bele manga a narubele i tua pololilo ne ria, i habi a nimahuri vaka­roro ne ria.”

Ioanes 5:24

“A taki muholi mua, e huriki ri longo mai a ngavagu, ri luhoi tora a viri i rudu iau a valai, bara ri bole a nimahuri vakaroro. A Vure i uka ma ge pelekado ria, a vuhuna ri pea pali a matenga, ri bole a nimahuri.

Ioanes 6:27

Naha ni leho ni bole a maki ni kani na malala. Bara i bera. Mu leho ni bole a maki ni kani na hunu, ra i tabuli vakaroro, i habi a nimahuri vakaroro. Iau, a Tuna Bakovi, ga habia mua a maki ni kani na hunu, a vuhuna a Vure e Tata i ru a kilakila nau. Ra kilakila iea, i vakasiri manga i vivi nau.”

1 Korin 13:3

Iau bara habi lobo a mahala nau, o ri gi gutu iau na kanono, pali iau i uka ma a ngaru e huriki, a naro nga i uka ma ru gu kori iau.

Galesia 5:6

A viri i rihi e Kristo, ra hini ni pala a kulina o i uka, a maki tavula. A maki dagi, ge luhoi torea e Kristo, ge tahoka a naro na nivangaru.

Vinara 30:19

“Mu lohoka vona i tahoka a dala ni mahuri, a dala na matenga. Na dala tara a Vure bara i rata kamumu mua, na dala tara bara mu bole a vuranga vona. Ngane mu vulaki e rei a dala mu gu ramaia. Ga gale a hunu a malala ru gu matai mua, ru gu lohoka vona e rei a dala mu vulakia. Pali iau a ngaru mua mu gu ramaia a dala ni made kamumu, lakea mua turane huriki e tune mua mu gu made tabaka.

Iosua 24:15

Mua, i uka ma mu ngaru ni ramai e BAKOVI DAGI, mu luhoi kamumu. E rei ngane mu gu ramaia? Mu gu kavurike a maka vure ranga ne huriki a gare ne mua o Mesapotamia? O mu gu kavurike a maka vure ranga ne huriki a Amor, ra mu made na malala ne ria ngane? Pali iau, turana a kabu nau, mete ge ramaia mete ge kavurike kunanea e BAKOVI DAGI.”

Iosua 24:22

Lakea e Iosua i taki ria, “Mua kunana mu puka tala a ngava pali, mu ta muholi mu gu ramai kunanea e BAKOVI DAGI.” Lakea ri ta maea, “I muholi, mi ratea na ngavane mia a nita iea.”