Lukas 10:28 - A Nitana Vure

²⁸ E Isu i koli i ta maea, “O koli kamumu hateka. O rata mavonga bara o bole a nimahuri vakaroro.”

Lukas 10:28 Iomraidhean Croise

E Levi 18:5

Mu rata lobo a vilo kamumu a ngaru mu gu rata, mu ramai a maka vinara a habi ne mua. E rei a viri i rata maea, bara i made kamumu. Iau e BAKOVI DAGI a takia a ngava iea.

Mateo 19:17

E Isu i koli, i ta maea, “I navai o nana iau na a ra maki i kamumu? A viri i kamumu i ala taku kunana. Ioe bara o ngaru ni bole a nimahuri vakaroro, o muri mai a vinara na Vure i ravulu.”

Markus 12:34

E Isu i longoa a bakovi iea i koli malamala, lakea i takia, “I uka ma o basi na harikianga na Vure.” I vakatubu vonga, e huriki ri mangenge ni nanea.

Lukas 7:43

E Simon i koli i ta maea, “Iau a luhoia ra bakovi i kupo a moni i bole, lakea a matakari na tava i takia nahea ge koli.” Lakea e Isu i takia e Simon, i ta maea, “A nitamu i muholi.”

A Raukea e Paulus i Here Lakea ne Huriki a Rom 10:4

Ngane, e huriki ri luhoi torea e Kristo ri malamala na matana Vure. I uka tara viri ge ramai lobo a vinara, lakea ge malamala na matana Vure.

A Raukea e Paulus i Here Lakea ne Huriki a Rom 3:19

Si lohoka vona, a Vinara ne Moses ni here virihi mae e huriki a Iuda, re huriki a vinara i matakari ria. I mavonga, e huriki lobo na malala bara ri keri ni koli a ngava. E huriki lobo bara ri tahoka a ngava na matana Vure; e huriki a Iuda, e huriki i uka ma ria a Iuda.

A Raukea e Paulus i Here Lakea ne Huriki a Rom 7:10

A luhoi ta a vinara ge habi nau a nimahuri vakaroro na tahuna a longototo lobo ria. Pali i uka ma i mavonga. I rata iau a marava basi na Vure, a vuhuna a keri ni longototo lobo a vinara.

Galesia 3:12

Pali a naro ni ramai a vinara i uka ma i ramai a naro ni luhoi torea a Vure, a vuhuna a ngava ni here hosi i maea, “E rei a viri i ramai a maka vinara lobo bara i mahuri.”

Vinara 6:24

Muri e BAKOVI DAGI a Vure ne hita, i taki hita si gi ramai lobo a vinara nga, si gi togoa. Hita bara si rata mavonga, bara i matakari kamumu hita vakaroro, bara si mahuri, i manga ngane.