Lukas 10:27 - A Nitana Vure

²⁷ A mari na vinara i koli i ta maea, “A vinara i maea, ‘O ngarua e Bakovi Dagi a Vure vomu. O ngarua na hatemu lobo, na hanumu lobo, na nitora vomu lobo, na niluhoi vomu lobo. O ngarua e turamu i manga a hini o ngaru mule ioe.’”

Lukas 10:27 Iomraidhean Croise

E Levi 19:18

“Naha ni koli a naro hale na viri i rata virihi ioe vona, naha ni tepu vakaroroa. O ngaru e huriki a turamu, i manga a hini o ngaru mule ioe. Iau e BAKOVI DAGI a takia a ngava iea.

Mateo 19:19

O togo e tamamu e kinamu. O ngaru e huriki lobo i manga a hini o ngaru mule ioe.”

Lukas 10:26

Pali e Isu i koli i nana tabua, “Ra ngava ni here puru na vinara, i ta navai?”

A Raukea e Paulus i Here Lakea ne Huriki a Rom 13:9

Ranga Vinara na Vure, ri ta maea, “Naha ni mole. Naha ni rabalaki a viri. Naha ni panaho. Naha ni ngutu na maki ne turamu.” A vinara nga, turana maka vinara ranga, i manga a vinara i taku kunana, ra i maea, “O ngarua e turamu i manga o ngaru mule ioe.”

Galesia 5:13

Mua e huriki a turagu, a Vure i gale mua mu gu matukapaga na vinara. Naha ni luhoi mu matukapaga ne vona ni ramai a ningaru hale na kakaine mua. Pali mu vangaru, mu vakori.

Vinara 10:12

E Moses i vara tabu i ta maea, “Mua o huriki a Israel mu longo, a ra maki e BAKOVI DAGI, a Vure ne hita, i taki mua mu gu rata? Mu togoa e BAKOVI DAGI a Vure ne mua, mu laho na dalana, mu ngarua, mu ramai lobo a nitana na hatene mua, na niluhoi ne mua.

Vinara 30:6

Bara i rata mua turane huriki a hamone mua, mu pulo a niluhoi ne mua, mu ramai a ngavana, bara mu ngaru hatekea, mu made vakaroro vona a malala iea.

Vinara 6:4

“Mua o huriki a Israel mu longo kamumu. E BAKOVI DAGI ia kunana a Vure ne hita.

Vinara 6:5

Mu ngaru hatekea e BAKOVI DAGI a Vure ne mua. Mu ngarua na hatene mua lobo, na niluhoi ne mua lobo, na nitora ne mua lobo.

Hibru 8:10

A ngava dagi karaba ta ga ratea ne huriki a Israel i maea: Iau e Bakovi Dagi a ta maea, ‘Muri ma ga ru a vinara nau ge tabuli na niluhoi ne ria, ga here a ngava nau na hatene ria. Iau, ge iau a Vure ne ria. Ge ria e huriki a ngate nau.

Iakop 2:8

A vinara na Hariki ne hita, ni here puru na Hinere i ta maea, “O ngaru e huriki lobo i manga a hini o ngaru mule ioe.” Na tahuna mu ramai a vinara iea, mu rata a naro kamumu.

1 Ioanes 3:18

Mua e huriki e tugu, nahea si gi taki kunana si vangaru. Si gi vangaru muholi, si gi vakasiri na narone hita.