Lukas 10:22 - A Nitana Vure

²² Muri e Isu i ta maea, “E Tata i ru na limagu a maki lobo. I uka tara viri ge lohoka vona e Tuna. E Tata kunana i lohoka vona. E Tata tara i uka tara viri ge lohoka vona. E Tuna kunana i lohoka vona. Na tahuna e Tuna bara i vulaki e huriki ranga, ria ranga bara ri lohoka ne Tata.”

Lukas 10:22 Iomraidhean Croise

Mateo 11:25

Muri e Isu i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa a nitamu ne huriki ri luhoi ta ri lohoka hateka.

Mateo 11:27

“E Tata i ru na limagu a maki lobo. I uka tara viri ge lohoka nau, ra iau e Tuna. E Tata kunana i lohoka nau. E Tata tara i uka tara viri ge lohoka vona. Iau e Tuna kunana a lohoka vona. Na tahuna iau a vulaki e huriki ranga, bara vakasiria e Tata ne ria.

Mateo 28:18

Muri e Isu i valai mai ria, i ta maea, “A Vure i habi nau a nitora lobo na hunu a malala.

Ioanes 1:18

I uka tara viri ge masia a Vure. Pali a Vure Kikeri, ra i made tabukoi ne Tamana, ia kunana i vakasiri a Vure ne hita.

Ioanes 10:15

I manga a hini a lohoka ne Tata, e Tata tara i lohoka nau. Iau ga mate ni korimule a maka sipsip nau.

Ioanes 13:3

E Isu i lohoka vona e Tamana i ru a maki lobo na limana. I lohoka vona ia i valai na Vure, pali ngane ta ge hamule lakea tabu na Vure.

Ioanes 17:10

E huriki a viri nau, a viri vomu. E huriki a viri vomu, a viri nau. Ri vakasiri e huriki na ragu i dagi.

Ioanes 17:2

a vuhuna o habia pali nau a nitora ga matakari e huriki lobo, ga habi a nimahuri vakaroro ne huriki o habi nau pali.

Ioanes 17:26

A vakasiri ria ne vomu, ioe a bakovi navai. Muri bara vakasiri tabu ioe ne ria, lakea ioe bara o ngaru ria i manga a hini o ngaru iau, lakea iau bara made turane ria.”

Ioanes 17:5

O Tata, ngane o vakabagetu tabu iau na matamu na bagetuanga ne tarua tu tahoka muga na malala ni ratarike.

Ioanes 3:35

E Tamana i ngaru hatekea na hatena e Tuna, lakea i ru a maki lobo na limana.

1 Korin 15:24

Muri a nilobona parava bara i bele. Na tahuna iea e Kristo bara i vakalobo e huriki a matakari, a maka nitora, i habi na limane Tamana a harikianga na Vure,

2 Korin 4:6

A Vure, ra viri i ta maea, “Ge palala,” ia kunana a Vure i vakapalala a gine hita, si gi lohoka vona a bagetuanga na Vure, ra i para na matane Isu Kristo.

Epesus 1:21

E Kristo i made vonga, i matakari. A nitora vona i rangi liu a nitora na hanitu lobo, a matakari na malala lobo, a nitora lobo. A rana i dagi hateka na rane huriki lobo; a rane huriki ngane, e huriki muri ma.

Hibru 2:8

ge matakari a maki lobo o ratarike.” Na tahuna i ru a bakovi ge matakari a maki lobo, i uka tara maki ge longo kaburungia. A maki lobo. Pali mona i uka ma si matai a maki lobo ge polotano vona.

1 Ioanes 5:20

A Tuna Vure i valai, i vakapalala a gine hita, si gi lohoka vona a Viri Muholi. Si rihia e Tuna, re Isu Kristo, a Bakovi Muholi. Ia a Vure Muholi. Ia a vuhuna a nimahuri vakaroro.

2 Ioanes 1:9

E huriki ri pe a nitovo ne Kristo, ri pagepolo lakea na ngava ranga, e huriki nga, a Vure i uka ma i made turane ria. Pali e huriki ri pesi tora ni muri mai a nitovo iea, e Tamana, e Tuna rua varago ru made turane ria.