Lukas 10:21 - A Nitana Vure

²¹ Muri a Hanu Kiripiripi i ratea e Isu i vivi, lakea i ta maea, “O Tata, ioe a Bakovi Dagi na hunu a malala. A kavurike ioe, a vuhuna o vakasiri a nitamu ne huriki a bakovi tavula, pali o ruhuloloa ne huriki ri luhoi ta ri lohoka hateka. I muholi, o Tata, o muri mai a ningaru vomu o rata mavonga.”

Lukas 10:21 Iomraidhean Croise

Mateo 16:17

Lakea e Isu i takia, “Simon, tune Iona, a Vure i rata kamumu ioe. I uka tara bakovi ge vakasiria vomu. E Tata na hunu kunana a viri i vakasiria vomu.

Mateo 21:16

Lakea ri nanea e Isu, “A ngava i taki e huriki a koma kiroko, o longo?” I koli i ta maea, “A longo. Pali mua, a ngava ni here hosi na Hinere, mu longoa o i uka? Ni here maea: ‘E huriki a koma kiroko, a koma ri ruru, o rata ria ri kavurike ioe.’”

Mateo 3:7

Pali na tahuna i matai e huriki a Pariseo, a Sadusi ri valai mai ia ge vahilolo ria, i taki ria, i ta maea, “Mua a tuna mata! E rei i taki mua mu gu ha vona a rongova ne Bakovi Dagi?

Markus 10:15

A taki muholi mua, e rei a viri i uka ma i ngaru a Harikianga na Vure ge manga e huriki a koma nga, i uka ma ge dili vona.”

Lukas 15:5

Na tahuna i matavisia, bara i vivi vona i vakoa,

Lukas 15:9

Na tahuna i matavisia bara i gale palupu e huriki a turana, e huriki ri made tabukoi vona, i taki ria, i ta maea, ‘Mu vivi turagu, a vuhuna a matavisia pali a moni nau i velu.’

Ioanes 11:41

Muri ri kule talea a kedo. Lakea e Isu i mata rike na hunu, i ta maea, “Tata, a kavurike ioe a vuhuna o longo iau pali.

2 Korin 4:3

E huriki ranga ri taki ta a Velenga Kamumu nau i uka ma i kavakava. A hini i uka ma i kavakava ne ria, a vuhuna ri velu, bara ri puru na kanono.

Epesus 1:11

A Vure i vulaki hita, i rata hita si rihi e Kristo. I rata mavonga, a vuhuna hosi i luhoi purua a naro iea. I rata a maki lobo ri bele i manga a hini i ngaru ri gi bele.

Epesus 1:5

lakea i taki muga hosi ge pau hita. I kara ia ge pau hita a vuhuna a leho e Isu Kristo i ratea. A Vure i ngaru ni rata mavonga, i vivi ni rata mavonga.