Lukas 10:20 - A Nitana Vure

²⁰ Pali naha ni vivi vona e huriki a hanitu ri longototo mua. A maki mu vivi vona, a rane mua ni here puru pali na hunu.”

Lukas 10:20 Iomraidhean Croise

A Nimariu 32:32

Pali ngane a nana ioe, ta go puga vuroki a naro hale ne ria. Pali ge uka, a ngaru ioe go ravunu vurokia a ragu na puhu vomu.”

Mateo 10:1

Muri e Isu i gale palupu e huriki a murimuri vona ala ravulu a polona i rua, i habi a nitora ne ria ni lili vuroki a hanitu, ni vakamahuri e huriki ri giloa.

Mateo 26:24

A Tuna Bakovi bara i mate, i manga a nita ni here puru hosi. Pali ra bakovi i habia na limane huriki a pile, a Vure bara i ratapilea! Bara i kamumu hateka e kinana i uka ma ge podea hosi.”

Mateo 27:5

Lakea i voro dili na roho na Vure a moni, muri i vano ia i vakatavore mule ia, i tomo.

Pilipai 4:3

Pali ioe Sisogos tara, o kori a ngatavine ala rua nga. Rua varago ru leho turagu ni vakalongo a Velenga Kamumu. Mete leho turana e Klemen, e huriki ranga, a rane ria ni here na buk na nimahuri.

Hibru 12:23

A tabeke mu bele vona, i vapopo vona e huriki a tara na Tuna Vure a Tabua. A rane ria, a Vure i here puru meli na hunu. Mu bele na matana Vure, a Mari Ni Pelekado, ge pelekado e huriki lobo. A tabeke mu bele vona, i made vona a hanune huriki a viri hosi, ri ramaia a Vure. Ngane a Vure i rata ria ri malamala liu.

Kapiloho 13:8

E huriki lobo na malala bara ri kavurikea e Livoa. Pali e huriki a rane ria ni here dili muga na nidoko na malala na buk na nimahuri na Sipsip, i uka ma ri gi kavurikea.

Kapiloho 17:8

Ra livoa o masia, hosi i made, pali ngane i uka. Ngane i popote ge sike valai na lovo i marangeo, ni gi ratapile. E huriki ri made na malala, re huriki, a rane ria i uka ma ni here dili na buk na nimahuri muga na nidoko na malala, bara ri masia a livoa iea, ri ngapa, a vuhuna i muga i made, pali ngane i uka ma i tabuli, pali muri ma bara i bele tabu.

Kapiloho 20:12

Lakea a matai e huriki ri mate pali, re huriki a bakovi dagi, e huriki a bakovi tavula, ria lobo ri pesi na ngalana gula hariki. A maka buk ni veve. A buk tara tabu ni veve, ra buk na nimahuri. Ni pelekado a narone huriki lobo ri mate pali, i ramai a ngava ni here na buk nga, ra a maka narone ria ri rata hosi na malala.

Kapiloho 20:15

E rei a viri, a rana i uka ma i tabuli na buk na nimahuri, ni voro puru ria na darilomu na kanono.

Kapiloho 21:27

I uka tara maki katoki ge dili vona. I uka tara viri i rata a naro ni maruhu vona, o a naro taminga ge dili vonga. E huriki ri gi dili vona kunana, e huriki a rane ria ni here dili na buk na nimahuri na Tuna Sipsip.

Kapiloho 3:5

E rei a viri i mulangi, ga vakarodoa na varakia keakea. A rana bara i tabuli vakaroro na buk na nimahuri. I uka ma ga ravunu vurokia. Ga taki tala a rana na matane Tata, na matane huriki a agelo vona.