Lukas 10:2 - A Nitana Vure

² I taki ria, i ta maea, “A maki ni kani na hania i kupo hateka, pali e huriki a bakovi ni mirio i uka ma ri ala kupo hateka. Lakea mu nanea a tahona hania ge rudu valai tabu ranga bakovi ri gi mirio.

Lukas 10:2 Iomraidhean Croise

Ni Gi 11:17

Ga puru valai ga ta turamu vonga. Ga bole ranga nitora na hanugu i tabuli pali vomu, ga habi ne ria. Ri gi tuhori ioe, ri gi bole a maregoa ne huriki a bakovi, a ngatavine, i uka ma ge ioe kunana go bole lobo.

Ni Gi 11:29

Pali e Moses i koli a ngava i ta maea, “O luhoi ge kuloi iau ranga bakovi? Naha ni loho lege lae? Iau a ngaru e BAKOVI DAGI ge habi a hanuna ne huriki a bakovi a ngatavine lobo, ri gi rata a nita propet.”

Mateo 20:1

“A harikianga na hunu i manga a tahona malala i vuho tala ge matakana e huriki a vora ri gi leho na hania na vain vona.

Markus 13:34

I manga a bakovi i laho basi. I pea a ruma vona i taki e huriki a vora vona ri gi matakaria. I vaveru ne ria a maka leho. I takia a bakovi i matakaria a mataruma ge mamata.

Markus 16:15

Muri i taki ria, “Mu lakea na tanga lobo na malala, mu vakalongo e huriki lobo na Velenga Kamumu.

Markus 16:20

Muri e huriki a muri­muri ri vano, ri lakea na tabeke lobo na malala, ri vara e huriki na Velenga Kamumu. E Bakovi Dagi i tuhori ria i vaka­tora a ngava vona na maka nivakasiri.

Lukas 9:1

Muri e Isu i gale palupu e huriki a apostolo vona ala ravulu a polona i rua, i habi a leho ne ria, a nitora ri gi lili tala a hanitu, ri gi vakatavaga e huriki ri giloa.

Apostolo 11:19

Na tahuna e Stepan ni rabalaki, ni rata hale e huriki ri luhoi torea e Isu. Lakea ri ha viliha, ri lakea o Ponesia, o Saiprus, o Antiok. Na tahuna ri made na tanga nga ri vakalongo a Velenga Kamumu ne huriki a Iuda kunana.

Apostolo 13:2

Na parava tara e huriki nga ri kavurikea a Bakovi Dagi, ri peremu, lakea a Hanu Kiripiripi i taki ria, i ta maea, “Mu vulaki e Barnabas e Saulus ru gu rata a leho a gale rua ru gu rata.”

Apostolo 13:4

E Barnabas e Saulus, a Hanu Kiripiripi i rudu tala rua, ru puru o Salamis. E Ioanes-Markus tara, i tou, ge tuhori rua. To rike na aga vonga o Selusia, to lakea na bodu e Saiprus. Na tahuna to bele na tanga dagi e Salamis to vakalongo a nitana Vure pololilo na maka roho na vaponga ne huriki a Iuda vonga.

Apostolo 20:28

Mu matakari kamumu mua turane huriki a kabukabu. A Hanu Kiripiripi i habi ria na limane mua, ge mua a matakari ne ria. Mu leho manga a matakari na tara na Vure, a Vure i konamule ria pali na darane Tuna.

Apostolo 22:21

“Muri e Bakovi Dagi i taki iau i ta maea, ‘O vano ngane, ga rudu basi ioe, go lakea ne huriki a viri i uka ma ria a Iuda.’”

Apostolo 8:4

E huriki ri ha vapida lae, ri vara a Velenga Kamumu ne huriki na maka tanga ri lakea vona.

1 Korin 12:28

A Vure i ru e huriki ri gi leho pololilo na tara ne Kristo. I ru taro e huriki a apostolo, muri i ru e huriki a propet, muri ru e huriki a mari ni tovo, muri i ru e huriki ri rata a nivakasiri, muri e huriki ri vakamahuri e huriki, e huriki ri moro ni kori, e huriki ri moro ni matakari a leho, e huriki ri ta na tabele tebi legelege.

1 Korin 15:10

Pali a Vure i rata kamumu iau, i rata iau a bele manga iau ngane. A Vure i rata kamumu iau, i uka ma i rata tavula, a vuhuna a leho tora hateka ne huriki a apostolo ranga. Pali i uka ma iau a leho tora hateka. A Vure i rata kamumu iau, lakea a leho tora hateka.

2 Korin 6:1

Iau a leho turana Vure, lakea a taki tora mua, naha ni ngalahere a naro kamumu a Vure i rata virihi hita vona.

Pilipai 2:21

E huriki ranga koea i uka ma ri luhoi a maki ne Isu Kristo. Ri luhoi kunana a maki ne ria.

Pilipai 2:25

Pali muga ga rudu mulea ne mua e Paproditus. I manga e turagu muholi. Miri leho palupu ni tagari a Velenga Kamumu. Ia a vinuru ne mua, mu rudu vilia ge tuhori iau.

Pilipai 2:30

a vuhuna i tabukoi ge mate na leho ne Kristo. I putu purua a gilanga vona, i kori polo iau na rane mua.

Kolosi 1:29

Iau a leho hateka i valai i harena mona. Ra nitora na Vure i tabuli nau, a habi loboa na leho iea.

Kolosi 4:12

E Epapras ia a bakovi na tanga ne mua, a vora ne Isu Kristo, ia tara i talo mua. I vasileki hateka vakaroro ne mua mu gu pesi tora na ningaru lobo na Vure, mu gu gao ni ramai a Vure, mu gu longo mai a ngavana Vure.

1 Tesalonika 2:9

Mua e huriki a turagu, i uka ma mu luhoi mule? Na tahuna mete made iene mete leho hateka. Mete leho hateka na haro a rodo, nahea mete ge habi a nimava ne mua na ni matakari mateu na tahuna mete vara mua na Velenga Kamumu.

1 Tesalonika 5:12

Mua e huriki a turagu, mu togo e huriki ri leho hateka ne mua, ri matakari mua na rane Bakovi Dagi, ri vara mua nahea mu gu rata a naro hale.

2 Tesalonika 3:1

Mua e huriki a turagu, ngane ga vakalobo a ngava. Mu vasileki ne mateu, mete ge vakalongo a nitane Bakovi Dagi, ge bele malaviriri na tanga lobo, lakea e huriki ri longoa ri gi togoa ge manga a hini mu rata pali.

1 Timoti 4:10

Lakea si luhoi torea a Vure mahuri, ra viri i korimule e huriki, re huriki ri luhoi torea. I mavonga, si gi rura, si gi leho hateka.

2 Timoti 4:5

Pali ioe i uka. O matakari vakaroroa a nilaho vomu, o kaloho a nimadihi ge bele vomu. O vakalongo a Velenga Kamumu ne huriki, o rata lobo a leho a Vure i habi vomu.

Pilemon 1:1

Iau e Paulus, ni ru dili iau na bavi, a vuhuna a ramai e Isu Kristo. Maria e Timoti, a turane tarua, miri here lakene vomu o Pilemon. Miri ngaru hateka ioe, te leho palupu.

Hibru 3:6

Pali e Kristo i uka ma ia a vora. Ia a Tuna Vure. I matakari kamumu e huriki a tara na Vure, i manga e Tamana i ngarua ge ratea. Hita bara si pesi tata ni luhoi torea a Vure, ni pasimata vona a maki a Vure ge rata ne hita, bara hita e huriki a tara vona.

Kapiloho 2:1

Muri i ta tabu, i ta maea, “O here lakea na agelo ne huriki a tara na Vure o Epesus, o here maea: A ngava iea i valai na Bakovi i nugu a hada i polorua na limana a kanena, ra viri i laho na kurukuruna maka butu na nipara i polorua ni rata na gol.