Lukas 10:11 - A Nitana Vure

¹¹ ‘Miri puraki vuroki a habulo na tanga ne mua i madoko na vahane maria, a vuhuna mu rata hale maria. Pali ngane mu luhoi kamumu: A harikianga na Vure i bele tabukoi pali.’

Lukas 10:11 Iomraidhean Croise

Mateo 10:14

E rei a tanga i uka ma i tagui mua, i uka ma ri longo a ngavane mua, mu pe a tanga iea, mu biua, mu kurudu pasi a habulo na vahane mua, a vuhuna ri biu mua.

Mateo 10:7

Mu vara maea, ‘A harikianga na hunu i valai tabukoi pali.’

Mateo 3:2

I vara maea, “Mu pulo a vilone mua, a vuhuna a harikianga na hunu i tabukoi ge bele.”

Markus 6:11

A tanga tara i uka ma ri tagui mua, i uka ma ri longo mai mua, mu kurudu pasi a habulo na vahane mua, mu vano. Mu rata mavonga, bara i vakasiri ria ri tahoka a ngava.”

Lukas 10:10

Pali na tahuna mu dili na tanga dagi tara, i uka ma ri tagui mua, mu pesi na matane ria, mu ta maea,

Lukas 10:9

Mu kori e huriki vonga ri giloa, mu taki ria, mu ta maea, ‘A harikianga na Vure i bele tabukoi pali ne mua.’

Lukas 9:5

E rei a tanga i uka ma i tagui mua, mu kurudu pasi a habulo na vahane mua, mu ha taroa, bara i vakasiri ria ri tahoka a ngava.”

Apostolo 13:26

“Mua o huriki a turagu, mua e huriki a hamone Abraham, mua e huriki i uka ma mua a Iuda pali mu togoa a Vure, mu longo kamumu. Ra ngava na Vure ge korimule e huriki, a Vure i vakaru vilia ne hita.

Apostolo 13:40

Mu matadoko, ma ge bele muholi ne mua a ngava hosi ne huriki a propet, i maea,

Apostolo 13:46

Lakea e Paulus e Barnabas ru koli paga paga kunana, i uka ma ru mangenge, ru ta maea, “A Vure i ngaru maria miri gi vakalongo muga ne mua a nitana. Pali mu marikoi vona a nita iea. Mu vakasiri mua, i uka ma mua a viri kamumu ni bole a nimahuri vakaroro. Ngane miri gi matataro mua, miri gi lakea ne huriki i uka ma ria a Iuda.

Apostolo 13:51

Lakea ru kurudu pasi na vahane rua a habulo ru gu vakasiri ria a Vure ge pelekado ria. Muri ru vano, ru lakea o Ikonium.

A Raukea e Paulus i Here Lakea ne Huriki a Rom 10:21

Muri e Isaia i taki virihi e huriki a Israel, i here maea, “Na parava vakaroro a pesi a dava ni bole mule ria, pali ri longotaro a ngava, ri gigi tora.”

A Raukea e Paulus i Here Lakea ne Huriki a Rom 10:8

Pali e Moses i ta maea tabu, “A nitana Vure i tabuli tabukoi vomu. I tabuli na ngavamu, i tabuli na hatemu.” A nita iea, a nitana ngava si gi luhoi torea e Kristo. Si taki tala vakaroro a ngava iea.

Hibru 1:3

E Tuna i vakasiri a bagetuanga na Vure. I manga muholi a Vure. A nitana i tahoka a nitora. Na nitana kunana i rata a maki lobo ri tabuli tora. I vakaloboa a leho vona ni bole a nimadhi na naro hale ne huriki, ge rata ria ri gi malamala na matana Vure. Muri i made na limana kanena Vure, ra Viri Dagi na hunu, a rana i dagi hateka, i tahoka a nitora dagi.