Lukas 1:75 - A Nitana Vure

⁷⁵ na naro kamumu, na naro kiripiripi na parava lobo si made koea na malala.

Lukas 1:75 Iomraidhean Croise

Mateo 1:21

Bara i podea a koma bakovi. O vunua ge Isu, a vuhuna bara i korimule e huriki a kabu vona na naro hale ne ria.”

Lukas 1:74

ge korimule hita na limane huriki a pile. Muri bara si made na nivalemu, si ratea a leho vona

Epesus 1:4

Muga na Vure i ratarike a malala, i vulaki hita si gi rihi e Kristo. I rata mavonga si gi malamala, si gi uka ngava na matana. I ngaru hateka hita,

Epesus 2:10

A Vure, ngane i ratarike karaba hita, si gi rihi e Isu Kristo, si gi rata vakaroro a naro kamumu. Ra naro kamumu nga, a Vure i kisi puru hosi si gi rata.

Epesus 4:24

lakea mu bole a vilo karaba, ra vilo manga a vilona Vure, a vilo kiripiripi, i malamala muholi.

Vinara 6:2

Na tahuna vakaroro mu made na malala iea, mua turane huriki a hamone mua, mu togoa e BAKOVI DAGI a Vure ne hita. Mu ramai lobo a vinara vona i habi mua ngane, bara mu mahuri malaku.

1 Tesalonika 4:1

Mua e huriki a turagu, mete vara mua pali mu gu laho navai, a Vure ge vivi ne mua. I muholi, mu laho maea pali. Ngane mete nana tora mua, mete taki mua na rana Bakovi Dagi ne hita e Isu, mu gu ramai vakaroro tabu a maka naro nga.

1 Tesalonika 4:7

A Vure i gale hita i uka ma si gi ramai a naro hale. I gale hita si gi ramai a naro malamala.

2 Tesalonika 2:13

Mua e huriki a turagu, e Bakovi Dagi i ngaru hateka mua. Mete luhoi vakaroro mua, lakea i kamumu hateka mete ge kavurikea a Vure, a vuhuna a Vure i vulaki mua, ge korimule mua. I vulaki mua pali na tahuna i ratarike a hunu a malala. A dala i korimule mua vona i maea: Na nitora na Hanu Kiripiripi, i rata mua mu malamala na matana. Mu luhoi torea a ngava muholi.

2 Timoti 1:9

A Vure i korimule hita, i gale hita si gi laho malamala. I uka ma si ratea tara maki kamumu ge gale hita. I gale hita na ningaru vona kunana. I gale hita ge rata a naro kamumu ne hita, i rudu vilia e Isu Kristo ge korimule hita. Hosi na tahuna a hunu a malala i uka ma ni ratarike ma, a Vure i luhoi pali a naro iea ge ratea.