Lukas 1:32 - A Nitana Vure

³² A rana bara i dagi, bara ni gale a Tuna Vure Meli Liu. A Vure, e Bakovi Dagi, bara i ratea ge matakari a harikianga ne tubuna e Davit.

Lukas 1:32 Iomraidhean Croise

Mateo 1:1

E huriki a vuhune Isu Kristo, a hamone Davit, a hamone Abraham.

Mateo 12:42

Hosi a hariki ngatavine o Siba i havai valai ge longo a niluhoi kamumu ne Solomon. Iau a dagi hateka ne Solomon, pali mua i uka ma mu longototo a niluhoi kamumu nau. Lakea muri ma na tahuna a Vure ge pelekado e huriki, a hariki ngatavine iea bara i pesi rike, i taki mua mu velu pali.

Mateo 28:18

Muri e Isu i valai mai ria, i ta maea, “A Vure i habi nau a nitora lobo na hunu a malala.

Mateo 3:11

“Iau a vahilolo mua na naru a vuhuna mu pulo a vilone mua. Pali a bakovi tara bara i luve muri nau i tuhaka hateka nau. Iau i uka ma a bakovi kamumu ga bole polo a vahapolo vona. Na tahuna i valai, bara i vahilolo mua na Hanu Kiripiripi, a kanono.

Markus 14:61

Pali e Isu i uka ma i koli. I uka ma i takia tara ngava. Lakea a prister dagi tara i nana tabua, “I muholi ioe e Kristo, ioe a Tuna Vure, ra Vure si kavurikea?”

Markus 5:7

A hanitu pololilo vona i gale dagi, i ta maea, “Isu, Tuna Vure Meli Liu. Go rata navai iau? Iau a nana ioe na matana Vure, naha ni ratapile iau.”

Lukas 1:15

a vuhuna bara i dagi a rana na matane Bakovi Dagi. Nahea ge ninu a vain, a naru vagole. Na tahuna i tabana na tamudine kinana, a Hanu Kiripiripi bara i made turana.

Lukas 1:35

A agelo i koli mule, i ta maea, “A Hanu Kiripiripi bara i valai vomu, a nitora na Vure Meli Liu bara i kavitagu ioe. Lakea a koma bara o podea ni gi gale a bakovi kiripiripi, bara ni gale a Tuna Vure.

Lukas 1:76

Ioe, o tugu, bara ni gale ioe a propet na Vure Meli Liu, a vuhuna bara o laho muga ne Bakovi Dagi, o pelekado purua a dalana.

Lukas 3:16

Lakea e Ioanes i koli, i ta maea, “Iau a vahilolo mua na naru. Pali a viri tara i tabukoi ge valai, i tuhaka hateka nau. Iau i uka ma a bakovi kamumu ga puga vuroki a mota na vahapolo vona. Na tahuna i valai, bara i vahilolo mua na Hanu Kiripiripi, a kanono.

Lukas 6:35

Pali a ngaru mua mu gu ngaru e huriki a pile ne mua, mu rata kamumu ria. Na tahuna mu habi ne ria a maki, naha ni taki ria ri gi habi mule. Mu rata mavonga, a mapane mua bara i dagi hateka, bara mua e huriki e tuna Vure Meli Liu, a vuhuna i rata kamumu e huriki ri bole lupu a maki, e huriki ri naro hale.

Ioanes 12:34

Lakea ri ta rike, ri ta maea, “Mi gia na vinara, e Kristo bara i valai ge made vakaroro. Pali i navai o ta maea ke, ‘A Tuna Bakovi ni gi bole rike?’ E rei ra Tuna Bakovi iea?”

Ioanes 6:69

Mi luhoi tora ioe, mi lohoka vomu, ioe kunana a Viri Malamala na Vure.”

Apostolo 16:17

A ngatavine iea i muri ne mateu e Paulus, i gale tala, i ta maea, “Ra bakovi nga, a vora na Vure Meli Liu! To vakalongo mua vona a dala a Vure ge korimule mua vona!”

Apostolo 2:30

E Davit i lohoka vona a ngava a Vure i ta muholi vona na viri tara, a hamona, bara i made na gula hariki vona. E Davit ia a propet, i matai muga a maki ta ge valai, lakea i rata a nita propet ne Kristo ge mahuri mule na matenga, i uka ma ge mate liu, a podana i uka ma ge mavuru.

Apostolo 2:36

“Ngane a ngaru mu gu lohoka vona, mua e huriki a Israel. A Vure i ratea e Isu, ge ia a Bakovi Dagi, ge ia e Kristo, re Isu mu paditatea na kai tavalavala.”

Apostolo 7:48

“Pali a Vure Meli Liu i uka ma i made na roho ni hae. I manga a ngava a propet tara i takia hosi,

A Raukea e Paulus i Here Lakea ne Huriki a Rom 1:4

A Hanu Kiripiripi i vakasiri kavakava ne hita, e Isu Kristo, a Bakovi Dagi ne hita ia a Tuna Vure a vuhuna i vakamahuri mulea na matenga.

Kapiloho 3:7

I ta tabu, i ta maea, “O here lakea na agelo ne huriki a tara na Vure o Piladelpia, o here maea: A ngava iea i valai na Viri Malamala, a Viri Muholi, ra viri i tahoka a ki ne Davit. A maki a talea, i uka tara viri ge tukari mulea. Pali a maki a tukaria, i uka tara viri ge talea.