Lukas 1:15 - A Nitana Vure

¹⁵ a vuhuna bara i dagi a rana na matane Bakovi Dagi. Nahea ge ninu a vain, a naru vagole. Na tahuna i tabana na tamudine kinana, a Hanu Kiripiripi bara i made turana.

Lukas 1:15 Iomraidhean Croise

A Vuhuna 12:2

Ga gamai ioe, ga rata e huriki a kabu vomu ri gi ala kupo. Ga ratea a ramu ge dagi, go gamai e huriki.

A Vuhuna 48:19

Pali e tamana i koi, i ta maea, “O tugu, a lohoka vona a hini ngi. A lohoka vona e huriki a hamona bara ri kupo. Pali a hamone tarina bara ri ala kupo hateka, ge manga e huriki a kabu ri ala kupo, ri vadili vapopo.”

E Levi 10:9

“Na tahuna ioe turana e tumu ala rua moto dili na Kape na Vaponga, naha ni ninu a vain a naru vagole, ma moto go mate. Ra vinara iea, ge ramai vakaroroa e huriki a hamone matou.

Lukas 1:14

Bara o vivi, o pitei vona. I kupo e huriki bara ri vivi vona,

Lukas 7:28

“A taki mua, i uka tara viri koea na malala ge polomeli ne Ioanes. Pali a viri i manga a bakovi tavula pololilo na harikianga na Vure, i polomeli ne Ioanes.”

Lukas 7:33

“A ta maea a vuhuna e Ioanes a mari ni vahilolo, i valai i uka ma i kani a bret, i uka ma i ninu a vain, lakea mu takia ta i dili vona a hanitu.

Ioanes 5:35

E Ioanes ia a nipara i vakapalala a hini, lakea mu ngaru ni vivi vona a nipara vona na parava popote kunana.

Apostolo 2:4

A Hanu Kiripiripi i dili ne ria lobo, lakea i rata ria ri vakatubu ni ta na maka nita ne huriki basi.

Galesia 1:15

Na tahuna e nana i uka ma i poda iau ma, a Vure i vulaki iau pali. Na naro kamumu vona i gale iau. Na parava i vulakia,

Epesus 5:18

Naha ni ninu hateka a naru vagole, mu gu manga, a vuhuna a naro iea bara i ratapile mua. Pali mu vonu na Hanuna Vure.

Iosua 3:7

E BAKOVI DAGI i takia e Iosua i ta maea, “Ngane ga tubu ni rata e huriki a Israel ri gi kavurike a ramu, ri gi lohoka vona iau a made turamu, i manga a hini a laho turane Moses.

Iosua 4:14

E huriki a Israel ri matai a maka maki e BAKOVI DAGI i rata vona a parava iea, ri togoa e Iosua, i manga hosi ri togoa e Moses.