Kapiloho 9:21 - A Nitana Vure

²¹ E huriki nga, ri rabalaki a viri, ri rata a muto, ri mole, ri panaho, i uka ma ri pulo a vilone ria, ri gi ngalahere na maka naro hale nga.

Kapiloho 9:21 Iomraidhean Croise

Mateo 15:19

A maki hale nga ri pagitala na hatena bakovi: a niluhoi hale, a naro ni rabalaki a viri, a molenga, a panahoa, a marapusianga, a nipadimomo.

2 Korin 12:21

A mangenge vona a Vure nau, ma ge vakakiroko iau na matane mua, bara tangi hateka a vuhuna e huriki ri rata a rabu hale muga, i uka ma ri pulo ma a vilone ria. Re huriki ri rata a naro na molenga.

Galesia 5:20

a naro ni kavurike a vure taminga, a muto, a naro na ni vapile, a naro ni vabiu, a naro ni marikoi vona a viri i tahoka a maki, a naro ni hate madihi, a naro ni rata polo muga, a naro ni vapida lae, ni vapida ni rata a tara karaba,

Kapiloho 13:13

A ruana livoa i rata a maka nivakasiri dagi. A nivakasiri tara i ratea, i vakaboru na hunu a kanono, na matana e huriki a bakovi a ngatavine.

Kapiloho 13:15

Ni mata taro ge ratea a hanuna Livoa iea ge mahuri, ge ta, ge vakuku ni gi rabalaki e huriki ri koi ni kavurike a hanune Livoa iea.

Kapiloho 13:7

A Vure i mata taroa, i vaubi turana e huriki a tara na Vure, i mulangi. I habi a nitora vona ge matakari e huriki lobo na malala, e huriki a kabu lobo, a kuli lobo, a maka tabele lobo, a maka robo lobo na malala.

Kapiloho 14:8

Muri a ruana agelo i valai, i ta maea, “A tanga dagi e Babilon i vurua! I vurua a vuhuna ri tami e huriki lobo ri muri mai a naro hale ne ria ni ngoi lae, i manga a viri i ninu a naru vagole, i manga.”

Kapiloho 16:6

I kamumu, a vuhuna ri rabalaki e huriki a tara na Vure, e huriki a propet, i tua a darane ria. I mavonga i kamumu o habi ne ria a dara, ri gi ninu!”

Kapiloho 17:2

E huriki a hariki na malala ri rata hateka a naro na molenga turana. Ngane ri manga, i manga a viri i ninu a naru vagole, i manga.”

Kapiloho 17:4

A ngatavine i rodoa a varakia kuakua, vururu. I bagetu vona a maki ni rata na gol, a kedo mata kamumu, a meki. I nugu a kikei ni rata na gol, i vonu vona a naru katoki, ra i manga a kanena naro katoki vona ni mole.

Kapiloho 17:5

A rana ni here na dumena matana, i tahoka a pelegona kapiloho. Ni here maea, “A tanga dagi e Babilon. E kinane huriki a ngoi, a kinana maka naro katoki na malala.”

Kapiloho 18:3

I bele maea, a vuhuna a tanga lobo na malala ri ninu vona a naru vagole na moleanga vona, ri manga. E huriki a hariki na malala ri mole turana. E huriki a bakovi ni habi a maki ni gi kona, ri bole a moni dagi, a vuhuna i kona ne ria a maki i kupo, a vuhuna i ngaru ni tahoka a mahala i kupo.”

Kapiloho 19:2

A naro i pelekado e huriki vona i muholi, i malamala. I vakamadihi pali a ngoi dagi, ra viri i vakahale e huriki lobo na malala na moleanga vona. A Vure i koli a narona ni rabalaki e huriki a vora vona.”

Kapiloho 21:8

Pali e huriki ri mangenge, e huriki i uka ma ri luhoi tora, e huriki ri katoki na matagu, e huriki ri rabalaki a viri, e huriki ri mole, e huriki ri rata a muto, a malulu, e huriki ri vasileki na nitamina vure, e huriki ri tatami, a murine ria a darilomu i nono na viku a kanono. Ia ni gale a ruana matenga.”

Kapiloho 22:15

Pali e huriki a ligo, re huriki a bakovi hale, e huriki a bakovi na malulu, a muto, e huriki ri mole, e huriki ri rabalaki a viri, e huriki ri kavurike a nitamina vure, e huriki ri ngaru hateka a naro taminga, bara ri made polovavo.

Kapiloho 9:20

E huriki a bakovi a ngatavine, ra i uka ma ri mate na maki hale i tolu nga, i uka ma ri pulo a vilone ria, i uka ma ri lobo ni vasileki na hanitu, a nitamina vure ni rata na gol, a silva, a brans, a kedo, a kai. A maka nitamina vure nga ri keri ni matai, ri keri ni longo, ri keri ni laho.