Kapiloho 9:20 - A Nitana Vure

²⁰ E huriki a bakovi a ngatavine, ra i uka ma ri mate na maki hale i tolu nga, i uka ma ri pulo a vilone ria, i uka ma ri lobo ni vasileki na hanitu, a nitamina vure ni rata na gol, a silva, a brans, a kedo, a kai. A maka nitamina vure nga ri keri ni matai, ri keri ni longo, ri keri ni laho.

Kapiloho 9:20 Iomraidhean Croise

E Levi 17:7

Pali nahea ri gi habi tabu a nihabi na meme taua. Na tahuna ri rata mavonga, ri manga a ngoi, ri mata here ne BAKOVI DAGI ri kavurike viliha a vure ranga. Ra maka vinara nga ge tabuli tora turane ria, e huriki a hamone ria bara ri ramai vakaroro muri ma.

Mateo 21:32

A ta maea, a vuhuna e Ioanes i valai i vakasiri mua vona a naro malamala, pali i uka ma mu longo maia. Pali e huriki a bakovi ni bole a takis, e huriki a ngoi ri longo maia. Pali mua, na tahuna mu matai e huriki nga ri longo maia, i uka ma mu pulo a vilone mua mu gu longo maia.”

Apostolo 17:29

Hita e huriki a tuna Vure, i mavonga nahea si gi luhoia a Vure ge manga a vure ni rata na gol, a silva, a kedo. A Vure, i uka ma ia a maki a bakovi tara i luhoia, muri i ratea.

Apostolo 19:26

Pali ngane mu longo, mu matai a naro e Paulus i rata. I taki e huriki, lakea ri pulo a narone ria. I taki e huriki a vure ni rata na limana bakovi, i uka ma ria a vure muholi. I uka ma i rata koea o Epesus kunana. I rata na tanga lobo o Asia.

Apostolo 7:41

Muri ri pipia tara hanuna tuna bulmakau ga vure ne ria. Ri bole valai vona a maka nihabi, ri ratea a habu dagi, ri kavurikea a maki ri ratea na limane ria.

2 Korin 12:21

A mangenge vona a Vure nau, ma ge vakakiroko iau na matane mua, bara tangi hateka a vuhuna e huriki ri rata a rabu hale muga, i uka ma ri pulo ma a vilone ria. Re huriki ri rata a naro na molenga.

Vinara 31:29

A lohoka vona na tahuna a mate pali, e huriki bara ri mapulo, bara i hale a vilone ria, i uka ma ri gi ramaia a nita a habia ne mua. Bara mu rata a maka naro hale i kupo, bara mu ratea e BAKOVI DAGI i tahate i rudu a maka maki hale ri bele ne mua.”

Vinara 32:17

Ri habi a maka nihabi na taua. Pali ra maka taua nga i uka ma a vure muholi. Ri ramai a maka vure karaba e huriki a gare ne ria hosi uka ma ri lohoka ne ria.

Vinara 4:28

Na robo nga, bara mu kavurike a maka vure ni rata na kai, na kedo. Ra vure nga, i uka ma ri matai a maki, i uka ma ri longo a nita, i uka ma ri kani a maki, i uka ma ri burongi a maki.

1 Timoti 4:1

A Hanu Kiripiripi i ta kavakava i ta maea, muri ma, na nilobona parava ta ge valai, i ranga e huriki bara ri ha taroa a Vure. Lakea bara ri vakatubu ni muri mai a ngava taminga i valai ne huriki a hanitu.

Kapiloho 15:1

Muri a kilakila vakaturutu i bele na hunu. I dagi hateka, e huriki ri turutu vona. A matai a agelo ala polorua, ri nugu a vuranga i polorua. A vuranga nga, a iku na maka vuranga lobo, a vuhuna ri gi vakaloboa a rongova na Vure.

Kapiloho 16:8

A vana agelo i guru puru na haro a tavila vona, i ratea a haro i gutu parina e huriki.

Kapiloho 9:19

a vuhuna a nitora na maka hos nga, i tabuli na ngutune ria, na kune ria. A kune ria i manga a mata, ri kara mate e huriki.

Kapiloho 9:21

E huriki nga, ri rabalaki a viri, ri rata a muto, ri mole, ri panaho, i uka ma ri pulo a vilone ria, ri gi ngalahere na maka naro hale nga.