Kapiloho 9:17 - A Nitana Vure

¹⁷ A matai na vuregu, a maka hos nga, turana e huriki ri rike ne ria ri mata maea: ri rodo a galeu na ngalane ria, ni kalu ri vururu manga a kanono, ri goma goma manga a hunu, ri ngango ngango manga a viku. A gina maka hos nga ri mata manga a gina laion. I pagitala na ngutune ria a pokona kanono, a viku.

Kapiloho 9:17 Iomraidhean Croise

A Vuhuna 19:24

Muri e BAKOVI DAGI i vakaboru valai na hunu a bega i vila, i boru puru ne Sodoma e Gomora.

Kapiloho 11:5

E rei a viri i ngaru ni rata hale rua, a kanono bara i pagitala na ngavane rua, bara i gutu parina e huriki a pile ne rua. E huriki ri ngaru ni rata hale rua bara ri mate vona a naro iea.

Kapiloho 14:10

bara ri ninu vona a naru vagole na rongova na Vure, i uka ma ge kiroko. A kanono, a viku ru gu ratapile ria na matane huriki a agelo na Vure, na matane Tuna Sipsip.

Kapiloho 19:20

Pali e Livoa ni lakavu turana nitamina propet vona, ra i rata muga a maka nivakasiri dagi na matane Livoa, i tami e huriki ri bole a kilakila ne Livoa, ri vasileki na hanuna. Rua varago ni voro puru mahuri na lovo na kanono, a viku.

Kapiloho 20:10

Lakea a hanitu, ra viri i tami e huriki nga, ni voro puru na darilomu na viku, a kanono, muga a nitamina propet turana e Livoa, ni voro puru vonga. To go bole a nimadihi dagi na haro, na rodo, na parava vakaroro, i uka nilobona.

Kapiloho 21:20

A limana kedo a oniks, a polotarana kedo a kanelian, a poloruana kedo a krisolait, a polotoluna kedo a beril. A polovana kedo a topas. A ravuluna kedo a krisoprase, a ravulu a polona takuna kedo a iasint. A ravulu a polona ruana kedo a ametis.

Kapiloho 21:8

Pali e huriki ri mangenge, e huriki i uka ma ri luhoi tora, e huriki ri katoki na matagu, e huriki ri rabalaki a viri, e huriki ri mole, e huriki ri rata a muto, a malulu, e huriki ri vasileki na nitamina vure, e huriki ri tatami, a murine ria a darilomu i nono na viku a kanono. Ia ni gale a ruana matenga.”

Kapiloho 9:18

Ri rabalaki e huriki a bakovi a ngatavine ala kupo na maki hale i tolu: a kanono, a pokona kanono, a viku. A maki i tolu nga, to pagitala na ngutune ria,

Kapiloho 9:9

Ri rodo na ngalane ria a maki manga a galeu ni rata na aen. A nangina karapane ria i manga a nangina a maka hos i kupo hateka ri lalu a karis, ri nunu lakea na vabinga.