Kapiloho 9:15 - A Nitana Vure

¹⁵ Lakea i vano, i puga a agelo i va nga, ra ni kolo puru hosi, ri gi davea a pida, a keva, a parava, a aua iea. E huriki a bakovi a ngatavine na malala ni kalipida na tete i tolu. Lakea e huriki a agelo nga, ri gi vano, ri gi rabalakia a tete i taku.

Kapiloho 9:15 Iomraidhean Croise

Kapiloho 20:7

Na tahuna a pida i ravulu rangale i lobo, e Satan ni gi puga, ni gi vakaha na bavi vona.

Kapiloho 8:10

A toluna agelo i vakia a tavure vona. A maka naru ni nagi na tabeke i tolu. Lakea a hada dagi tara ni gale e Vingungu, i huvi dagi, i mapasi tala na hunu, i puru na tabekena tara na maka naru, a naru bele. Lakea a maka naru ri mapulo, ri vagole. Lakea e huriki ala kupo ri mate a vuhuna ri ninu a naru vagole iea.

Kapiloho 8:7

A agelo muga i vakia a tavure vona, lakea a vala kedo turana kanono, a dara, ni voro puru na malala. A maka maki ni nagi na tabeke i tolu. A tabekena malala i taku, a tabekena kai i taku ni gutu na kanono, i lobo. A varili lobo na malala i nono lobo liu.

Kapiloho 8:8

A ruana agelo i vakia a tavure vona. Lakea a maki tara i manga a lolo dagi i nono ni voro puru na dari.

Kapiloho 8:9

A maka maki ni nagi na tabeke i tolu. A tabekena tara na dari i mapulo i manga a dara. A tabeke tara na maka maki mahuri na dari ri mate. A maka sip ranga, a tabeke tara ne ria ri mabubu.

Kapiloho 9:10

A kuna ria i manga a kuna kira, i tahoka a nitora ni habi a nimadihi ne huriki a bakovi a ngatavine na keva i lima.

Kapiloho 9:18

Ri rabalaki e huriki a bakovi a ngatavine ala kupo na maki hale i tolu: a kanono, a pokona kanono, a viku. A maki i tolu nga, to pagitala na ngutune ria,

Kapiloho 9:5

Ni taki ria ri gi vakamadihi hale e huriki nga na keva i lima, pali i uka ma ri gi rabalaki ria. Ri vakamadihi ria na nimadihi na kira i tura a viri.