Kapiloho 8:12 - A Nitana Vure

¹² A agelo i va i vakia a tavure vona. Muri a haro, a keva, a maka hada ni ubi, lakea a nipara ne ria i puru. A haro, a rodo, ranga, ni ratapile. Na haro, i uka ma i para a haro na tahuna ranga. Na rodo, a keva a hada i uka ma ri para na tahuna ranga.

Kapiloho 8:12 Iomraidhean Croise

Mateo 24:29

“A nimadihi dagi i lobo, malaviriri kunana a haro bara i maparavunu, a keva tara i uka ma ge para. A maka hada bara ri mapasi, a maka nitora na hunu bara ni polu.

Mateo 27:45

Ngane a uvo i kavitagua a malala, i vakatubu na kuru haro, i vano i lobo na kilala i tolu na malunga.

Markus 13:24

“Muri na maka nimadihi nga ri gi bele: ‘A haro bara i paravunu, a keva tara i uka ma ge para.

Markus 15:33

Na kuru haro a uvo i puru, i kavitagu a tabeke lobo, i vano i harena na kilala i tolu.

Lukas 21:25

“Na tahuna iea, a maka nivakasiri bara ri bele na haro, na keva, na hada. Koea na malala e huriki bara ri mangenge ri vuru viliha lae na tahuna ri longo a nangina bokona dari i rere hateka.

Apostolo 2:20

A haro bara i paravunu, a keva bara i para vururu, manga a dara muga na parava ne Bakovi Dagi ge valai. A parava iea i dagi hateka.

2 Korin 4:4

A vure na malala i vakauvo a niluhoi ne huriki i uka ma ri luhoi torea e Kristo, i uka ma ri gi matai a nipara na Velenga Kamumu na bagetuanga ne Kristo, re Kristo ia a Vure.

Kapiloho 12:4

A maka hada ni nagi na tabeke i tolu, lakea a kuna mata i kovo pasi a tabekena hada i taku, ri boru puru na malala. Ra mata iea, i tabuli na ngalana ngatavine, ra i pahea a koma. I davea a ngatavine ge poda, a vuhuna i ngaru ni kania a koma.

Kapiloho 16:10

A limana agelo i guru puru na gula hariki ne Livoa, a tavila vona. A uvo i kavitagua a harikianga vona. A nimadihi dagi i bele ne huriki, lakea ri kani mule a tabelene ria.

Kapiloho 6:12

Na tahuna a Tuna Sipsip i lagea a polotarana buluka, a vuruke dagi i bele na malala. A haro i kato manga a gabu. A keva i mapulo i vururu manga a dara.

Kapiloho 9:15

Lakea i vano, i puga a agelo i va nga, ra ni kolo puru hosi, ri gi davea a pida, a keva, a parava, a aua iea. E huriki a bakovi a ngatavine na malala ni kalipida na tete i tolu. Lakea e huriki a agelo nga, ri gi vano, ri gi rabalakia a tete i taku.

Kapiloho 9:18

Ri rabalaki e huriki a bakovi a ngatavine ala kupo na maki hale i tolu: a kanono, a pokona kanono, a viku. A maki i tolu nga, to pagitala na ngutune ria,