Kapiloho 7:9 - A Nitana Vure

⁹ Muri a matai a tara dagi hateka, ni keri ni gi! Ri valai na robo lobo na malala, na kabu lobo na malala, na kuli lobo na malala, na tabele lobo na malala. Ri pesi na ngalana gula hariki, na ngalana Tuna Sipsip. Ri rodo a varakia ola keakea, ri nugu a pagana niu.

Kapiloho 7:9 Iomraidhean Croise

A Vuhuna 13:16

Iau ga rata e huriki a hamomu ri gi ala kupo manga a habulo na malala, pali e rei i kara ni gi a habulo, ia kunana bara i gi e huriki a hamomu.

A Vuhuna 49:10

A kodo-hariki i tabuli na limamu, bara o matakari vakaroro, i harena na tahuna o bele na tanga e Silo, o matakari e huriki ala kupo.

E Levi 23:40

Na mugana parava mu bole ranga kanena kai kamumu, a pagana niuniu, a rahana kai i paga bolabola, a rahana kai i paga madilidili, mu pitei na matane BAKOVI DAGI na parava ge polorua.

Lukas 12:1

Na parava tara, e huriki a bakovi ala kupo ri vapopo turane Isu. Ri vaboletugu lae, a vuhuna ri ala kupo hateka. Lakea e Isu i vara muga e huriki a murimuri vona i ta maea, “Mu matadoko vona a is ne huriki a Pariseo, ra naro ni tabelebako.

Lukas 21:36

Mu matadoko na parava vakaroro. Mu vasileki bara mu tahoka a nitora ni pologege vona a rabu hale nga, ra ri gi bele, bara mu pesi na matana Tuna Bakovi.”

Ioanes 12:13

Lakea ri bole a maka pagana rou, ri vano ri gi taguia e Isu, ri gale maea, “Si gi kavurikea a Vure! A Vure ge vakabagetua a viri i valai na rane Bakovi Dagi! Ni gi vakabagetu a hariki ne Israel!”

A Raukea e Paulus i Here Lakea ne Huriki a Rom 11:25

Mua e huriki a turagu, a ngaru mu gu longokilala a ngava a Vure i vakalongo kavakava, nahea mu gu pahaluhoi ta mu rangi e huriki a Israel. Muga a ngava iea i kapiloho, pali ngane i bele kavakava, i maea: a Vure i rata e huriki a Israel ri gigi tora. Bara ri gigi tora mavonga i vano i harena na tahuna e huriki lobo a Vure i vulaki ria, i uka ma ria a Iuda, ri gi valai vona.

Epesus 6:13

I mavonga, mu bole rike lobo a maki na vabinga na Vure, lakea na tahuna a pile i valai i buroi mua, bara mu kara ni gegea. Muri, na tahuna i lobo a vabinga, bara mu tabana ni pesi tora.

Hibru 11:12

Na naro iea, e Abraham i tahoka e huriki a hamona ala kupo hateka. Re Abraham, i gare liu pali, i ngalai a matenga. Pali ngane e huriki a hamona ri ala kupo hateka, i manga a maka hada na hunu, a hire na lavu. Ni keri ni gi.

Hibru 12:22

E huriki a Israel ri bele na tanga maea. Pali mua, a tanga mu bele vona i uka ma i maea. Mua mu bele na Lolo e Sion. Mu bele na tanga dagi na Vure Mahuri, e Ierusalem na Hunu. E huriki a agelo ala kupo hateka ri made vonga, ri rata a habu dagi.

Kapiloho 11:15

Muri, a poloruana agelo i vakia a tavure vona. Lakea a longo e huriki ri ta dagi meli na hunu, ri ta maea, “A harikianga na malala ngane ne vona e Bakovi Dagi ne hita, turana e Kristo vona. Ge matakari na parava vakaroro, i uka nilobona.”

Kapiloho 22:3

I uka tabu tara maki ni ruduraha. A gula hariki na Vure, na Tuna Sipsip ru gu tabuli na tanga iea. E huriki a vora vona ri gi kavurikea.

Kapiloho 3:18

Ngane a taki mua, a gol nau ni gutu na kanono i maga hateka. Mu konea, mu gu tahoka a mahala. Mu kona nau a varakia keakea, mu gu kavitagu mua vona, i uka ma mu gu kabobo, i uka ma mu gu maruhu tabu. Mu kona nau a marasin na matane mua, mu gu matai tabu.

Kapiloho 4:4

A gula hariki i ravulu rua a polona i va ri pesi halui a gula hariki iea. E huriki a nupesi ala ravulu rua a polona i va ri made na gula hariki nga. Ri rodo a varakia keakea, ri kube a tama hariki ni rata na gol.

Kapiloho 5:11

Muri a mata lakea, a longo a lohone huriki a agelo ala kupo, ala kupo hateka, ni keri ni gi! Ri pesi halui a gula hariki, a maka maki mahuri, e huriki a nupesi,

Kapiloho 5:9

Lakea ri kaloloa a linge karaba, ri kalolo maea, “Ioe kunana, i kara ioe go bolea a raukea iea, go laga vuroki a buluka ni pipikari vona, a vuhuna ni rabalaki ioe, a daramu i konamule e huriki a bakovi a ngatavine, ri gi ne vona a Vure. O kona tala ria na kabu lobo na malala, a tabele lobo na malala, a kuli lobo na malala, na robo lobo na malala.

Kapiloho 6:11

Muri ni habi ne ria a varakia ola keakea, ni taki ria ri gi dava popote taro, ge harena na tahuna e huriki e turane ria, ra ri leho palupu, ge rabalaki ria taro e huriki, i manga a hini ria ranga ni rabalaki muga. A Vure i lohoka i riva e huriki ri gi mate maea.

Kapiloho 7:8

Ri ala 12,000 ri valai na kabu ne Sebulun. Ri ala 12,000 ri valai na kabu ne Iosep. Ri ala 12,000 ri valai na kabu ne Bensamin.