Kapiloho 7:4 - A Nitana Vure

⁴ Muri a longo ri ala riva e huriki ni ru a kilakila ne ria. Ri ala 144,000, ri valai na kabu lobo ne Israel.

Kapiloho 7:4 Iomraidhean Croise

A Vuhuna 15:5

Muri e Bakovi Dagi i tuli talea e Abram i takia, “O mata rike na hunu, o toni ni gi lobo a hada nga.” Muri i takia, “E huriki a hamomu bara ri kupo manga a hada nga.”

A Nimariu 28:21

O here a rane huriki e tune Israel ala ravulu a polona i rua na kedo nga. A kedo ge taku ni gi here vona a rana a kabu ge taku.

Mateo 19:28

E Isu i koli, i ta maea, “A taki muholi mua, muri ma na malala karaba, a Tuna Bakovi bara i made na nibagetu na gula hariki vona. Mua ranga e huriki mu muri nau, bara mu made na gula hariki i ravulu a polona i rua, bara mu pelekado a kabu ne Israel i ravulu a polona i rua.

Lukas 14:22

“A vora i longo mai a nitana tahona habu, muri i ta maea, ‘Bakovi dagi, ra ngava o taki a rata, pali a ruma i uka ma i vonu ma.’

Lukas 22:30

Muri bara mu kani mu ninu turagu na harikianga nau, bara mu made na gula-hariki mu pelekado e huriki a kabu ne Israel ala ravulu a polona i rua.”

Apostolo 26:7

A ngava muholi iea, e huriki a kabu ne mia, ala ravulu a polona i rua, ri ngaru ni bolena na tahuna ri kavurikea a Vure na haro a rodo. O Hariki Agripa, na niluhoi iea kunana e huriki a Iuda ri padi virihi iau na ngava!

A Raukea e Paulus i Here Lakea ne Huriki a Rom 9:27

E Isaia hosi, i taki virihi e Israel, i ta maea, “I muholi e huriki a Israel ri ala kupo hateka, i manga a hire na lavu. Pali ga korimule e huriki ala popote kunana,

Iakop 1:1

A haro kamumu ne mua lobo. Iau, e Iakop, a vora na Vure, a vora ne Isu Kristo, a Bakovi Dagi ne hita. A herea a raukea iea i lakene ne mua, a kabu ne Israel i ravulu a polona i rua, ra mu pe a tanga ne mua, mu made viliha na tanga lobo na malala.

Kapiloho 14:1

Muri a mata lakea. A Tuna Sipsip i pesi na lolo e Sion turana e huriki ala 144,000. A rana, turana rane Tamana ni here na dumene ria.

Kapiloho 14:3

Ri pesi na ngalana gula hariki, na ngalana e huriki a maki mahuri i va, na ngalana e huriki a nupesi ala 24, ri kalolo a linge karaba. I uka tara viri ge tovoa a linge iea. E huriki ala 144,000, ra ni konamule na malala, ria kunana ri tovoa a linge iea.

Kapiloho 7:5

Ri ala 12,000 ri valai na kabu ne Iuda ni ru a kilakila ne ria. Ri ala 12,000 ri valai na kabu ne Reuben. Ri ala 12,000 ri valai na kabu ne Gad.

Kapiloho 9:16

E huriki a nugumaheto ra ri rike na hos ri ala 200 milion. A longo ni gi tala ria.