Kapiloho 7:3 - A Nitana Vure

³ i ta maea, “Mu dava. Naha ni rata hale ma a malala, a dari, a maka kai. Mi gi ru taro a kilakila na Vure ne teu na dumene huriki a vora vona.”

Kapiloho 7:3 Iomraidhean Croise

A Nimariu 12:13

Ra dara mu kalu na mataruma ne mua ge tabuli ga kilakila ne mua. Na tahuna a matai a dara mu kalu na mataruma, bara pagepolo a ruma ne mua. Ra vuranga iea i uka ma ge padoi mua na tahuna a ratapile e huriki a Egipto.”

A Nimariu 12:23

E BAKOVI DAGI bara i lakea na tabeke lobo ne Egipto ge rabalaki e huriki a koma bakovi, a tabua. Na tahuna i matai a dara na mataruma ne mua, bara i pagepolo. I uka ma ge rudua a agelo vona ge dili na ruma ge ratapile mua.

Mateo 24:22

Bara a Vure i uka ma ge vakakapo a parava nga, e huriki lobo bara ri mate. Pali a Vure bara i vakakapo ria, ge korimule e huriki a bakovi a ngatavine i vulaki ria.

Mateo 24:31

Muri a tavure bara i tangi dagi na tahuna i rudu e huriki a agelo vona ri gi bole sike palupu na tabeke lobo na malala e huriki a bakovi a ngatavine i vulaki ria. Bara ri bole ria na tabeke lobo, i vakatubu na tabeke tara na malala, i vano i lakea na tabekena tara.

Ioanes 12:26

E huriki ri ngaru ge ria a vora nau, ri gi muri nau. Lakea bara ri made turagu na hini ga made vona. E Tata bara i kavurike e huriki ri rata a leho nau.”

Ioanes 3:33

Pali e rei a viri i longo mai a ngavana, i vakasiri manga a Vure i ta muholi.

A Raukea e Paulus i Here Lakea ne Huriki a Rom 6:22

Pali ngane mu matukapaga na naro hale, mu vora na Vure. A kanena naro iea, bara mua a ngate muholi na Vure, bara mu bole a nimahuri vakaroro.

Kapiloho 13:16

A ruana Livoa i vakuku e huriki lobo, e huriki a bakovi dagi, e huriki a bakovi tavula, e huriki ri tahoka a mahala, e huriki a matasia, e huriki a vora, e huriki i uka ma ria a vora, e huriki lobo ni gi ru a kilakila na limana kanene ria, o na dumene ria.

Kapiloho 13:17

A kilakila iea, a rane Livoa muga, o a namba na rana. E rei a viri i uka kilakila, i uka ma ge kona a maki, i uka ma ge habi a maki ni gi kona.

Kapiloho 14:1

Muri a mata lakea. A Tuna Sipsip i pesi na lolo e Sion turana e huriki ala 144,000. A rana, turana rane Tamana ni here na dumene ria.

Kapiloho 14:9

Muri, i muri valai a toluna agelo, i ta dagi, i ta maea, “E huriki ri kavurikea e Livoa turana hanuna, ri bole a kilakila na dumene ria o na limane ria,

Kapiloho 19:2

A naro i pelekado e huriki vona i muholi, i malamala. I vakamadihi pali a ngoi dagi, ra viri i vakahale e huriki lobo na malala na moleanga vona. A Vure i koli a narona ni rabalaki e huriki a vora vona.”

Kapiloho 20:4

Muri a matai a maka gula hariki. E huriki ri made ne ria, a Vure i habi a leho ne ria, ri gi pelekado a narone huriki. A matai tabu a hanune huriki a bakovi. E huriki nga ri taki tala a ngava ne Isu, a nitana Vure, i uka ma ri kavurikea e Livoa, o a hanuna, i uka ma ri bole a kilakila vona na dumene ria, na limane ria, lakea ni palakudu a lohone ria. Ngane ri mahuri mule, ri matakari turane Kristo na pida i ravulu rangale.

Kapiloho 22:4

Ri gi masia a matana. A rana bara ni here na dumene ria.

Kapiloho 6:6

Lakea a longo a lohona viri i pesi na kurukurune huriki a maki mahuri i va, i ta maea, “A mapana maki ni kani i rike hateka! A lita na vit ni gi kona na mapana bakovi i leho na parava i taku. A lita i tolu na barli ranga, ni gi kona na mapana bakovi i leho na parava i taku. Pali naha ni ratapile a vina oliv, naha ni ratapile a vain!”

Kapiloho 7:1

Muri a masia a agelo i va ri pesi na harena malala i va, ri kapi kari a vilu na malala i va, nahea ri gi ngalu a malala, a dari, a maka kai.

Kapiloho 7:2

Muri a masia a agelo tara i valai na nirikena haro. I nugua a kilakila na Vure Mahuri, i gale tala dagi, i taki a agelo i va, ra ni habi ne ria a nitora ni ratapile a malala a dari,

Kapiloho 9:4

Ni taki ria nahea ri gi ratapile a varili, a maka hurumade, a maka kai. Ri gi ratapile kunana e huriki a bakovi a ngatavine ri uka kilakila na Vure ge tabuli na dumene ria.