Kapiloho 7:10 - A Nitana Vure

¹⁰ Ria lobo ri gale dagi, ri ta maea, “A Vure ne hita, ra i made na gula hariki, i korimule hita! A Tuna Sipsip tara, i korimule hita!”

Kapiloho 7:10 Iomraidhean Croise

Iona 2:9

Pali iau ga habi a nihabi vomu, bara kavurike ioe na linge. Ra maki a ta muholi vomu vona, bara rata kamumua. A nikorimule nau i valai ne BAKOVI DAGI!

Lukas 3:6

Muri e huriki lobo bara ri masia a naro a Vure ge korimule hita vona.’”

Ioanes 1:29

Na parava muri e Ioanes i masia e Isu i laho valai vona. Lakea i taki e huriki, i ta maea, “Mu mata lakea, mu masia a Tuna Sipsip na Vure, ra viri i puga vuroki a naro hale ne huriki na malala!

Ioanes 1:36

Na tahuna e Ioanes i masia e Isu i laho polo, i ta maea, “Muru mata lakea! A Tuna Sipsip na Vure!”

Ioanes 4:22

Mua o huriki a Samaria mu kavurikea a viri i uka ma mu lohoka vona. Mia mi kavurikea a viri mi lohoka vona, a vuhuna a dala a Vure i korimule e huriki vona, i vakasiri polo ne mia e huriki a Iuda.

Epesus 2:8

A Vure i rata kamumu mua, i korimule mua, a vuhuna mu luhoi torea. Ra hini mu luhoi torea, i uka ma i valai ne mua. A Vure i habia ne mua a niluhoi iea.

Kapiloho 12:10

Muri a longoa a lohona viri i gale dagi na hunu, i ta maea, “Ngane a Vure i korimule hita pali. A nitora, a harikianga na Vure ne hita i bele pali. A nitora na Kristo vona i bele pali, a vuhuna ra viri i padi virihi bala e huriki e turane hita, ni voro puru pali. Ra viri mona kuduvi i pesi na matana Vure, i padi virihi ria.

Kapiloho 19:1

Muri a longo meli na hunu a maki i nangi manga e huriki ala kupo hateka ri roro, ri ta maea, “Kavurikea a Vure! A Vure ne hita i gao hateka, i tahoka a bagetuanga dagi, i korimule hita!

Kapiloho 21:5

Lakea a viri i made na gula hariki i ta maea, “Mu longo! A rata a maki lobo ri bele karaba tabu.” Muri i ta maea, “O here puru a ngava nga, a vuhuna ri muholi, ri gi bele muholi.”

Kapiloho 22:3

I uka tabu tara maki ni ruduraha. A gula hariki na Vure, na Tuna Sipsip ru gu tabuli na tanga iea. E huriki a vora vona ri gi kavurikea.

Kapiloho 4:6

A maki manga a dari i malilo kamumu, i mata manga a glas, i maga hateka, i tabuli na ngalana gula hariki iea. A maki mahuri i va to pesi halui a gula hariki, na tabekena i va. A matane tou i kupo hateka, to kavitagu a ngalane tou, a bitone tou.

Kapiloho 5:7

A Tuna sipsip i laho lakea, i bolea a raukea iea na limana kanena viri i made na gula hariki.