Kapiloho 6:8 - A Nitana Vure

⁸ A mata lakea, a masia a hos havura! A bakovi i rike vona, a rana e Matenga. A viri ni gale A Murine Huriki Ri Mate Pali i muri vona. Ni habi ne rua a nitora ni rabalaki e huriki ala kupo (¼) Ru gu rabalaki ria na bainat, na pago, na gilanga dagi, ru gu rudu a maka maki ri tegi na robo ri gi kara mate ria.

Kapiloho 6:8 Iomraidhean Croise

Mateo 11:23

Mua e huriki a bakovi a ngatavine o Kapernaum, naha ni luhoi a Vure ge bole rike mua na hunu. I uka liu! Bara i voro puru mua na tanga ne huriki ri mate pali. A maka nivakasiri a rata na tanga ne mua, bara ni rata hosi o Sodoma, a tanga iea bara i tabana mona.

Mateo 24:7

E huriki a kabu na robo tara bara ri vaubi turana kabu na robo tara. E huriki a tara na hariki tara bara ri vaubi turana tara na hariki tara. A pago, a vuruke bara ri bele na tabeke legelege.

1 Korin 15:55

“O matenga, i vai a tuhamu go ratapile e huriki? I vai a maheto vomu, go padimate e huriki vona?”

Kapiloho 1:18

Iau a mahuri. Hosi a mate, pali ngane a mahuri vakaroro. Iau a nugua a ki na matenga, a ki na murine huriki ri mate pali.

Kapiloho 12:4

A maka hada ni nagi na tabeke i tolu, lakea a kuna mata i kovo pasi a tabekena hada i taku, ri boru puru na malala. Ra mata iea, i tabuli na ngalana ngatavine, ra i pahea a koma. I davea a ngatavine ge poda, a vuhuna i ngaru ni kania a koma.

Kapiloho 9:15

Lakea i vano, i puga a agelo i va nga, ra ni kolo puru hosi, ri gi davea a pida, a keva, a parava, a aua iea. E huriki a bakovi a ngatavine na malala ni kalipida na tete i tolu. Lakea e huriki a agelo nga, ri gi vano, ri gi rabalakia a tete i taku.

Kapiloho 9:18

Ri rabalaki e huriki a bakovi a ngatavine ala kupo na maki hale i tolu: a kanono, a pokona kanono, a viku. A maki i tolu nga, to pagitala na ngutune ria,