Kapiloho 6:11 - A Nitana Vure

¹¹ Muri ni habi ne ria a varakia ola keakea, ni taki ria ri gi dava popote taro, ge harena na tahuna e huriki e turane ria, ra ri leho palupu, ge rabalaki ria taro e huriki, i manga a hini ria ranga ni rabalaki muga. A Vure i lohoka i riva e huriki ri gi mate maea.

Kapiloho 6:11 Iomraidhean Croise

Mateo 10:21

“E maki tari rua, a viri tara bara i habi e turana na limane huriki a pile, ri gi rabalakia. A bakovi bara i lohopilea e tuna. E huriki a koma bara ri lohopile e tamane ria, e kinane ria, bara ri rudu ni gi rabalaki.

Lukas 15:22

“Pali e tamana i taki e huriki a vora vona i ta maea, ‘Mu nunu, mu bole valai a varakia kamumu, mu vakarodoa vona. Mu bolea a paga, mu rodo dilia na kukulimana. Mu bole a vahapolo, mu vakarodoa.

Ioanes 16:2

E huriki bara ri tono tala mua na roho na vaponga. I muholi ngi, i uka ma ge tabaka e huriki bara ri rabalaki mua, bara ri luhoi ta ri rata a leho na Vure.

Apostolo 20:24

Iau i uka ma a luhoia a nimadegu ga maki dagi. A ngaru kunana ga vakalobo kamumu taroa a leho e Isu a Bakovi Dagi i habia nau ga ratea: Ga vakalongo ne huriki a Velenga Kamumu na naro kamumu na Vure.

2 Timoti 4:7

A toni a bulugu ni nunu hateka. A vakalobo ngane a nivarangi. A leho lobo i habi nau ga rata, a rata kamumu pali. A ramai kamumua a Vure. I uka ma a ha taroa.

Hibru 11:40

a vuhuna a Vure i kisi purua hosi tara maki i kamumu hateka ne vona e hita lobo. I koi vona e huriki hosi ri gi malamala muga ne hita mona. I ngaru si gi malamala palupu turane ria.

Hibru 12:23

A tabeke mu bele vona, i vapopo vona e huriki a tara na Tuna Vure a Tabua. A rane ria, a Vure i here puru meli na hunu. Mu bele na matana Vure, a Mari Ni Pelekado, ge pelekado e huriki lobo. A tabeke mu bele vona, i made vona a hanune huriki a viri hosi, ri ramaia a Vure. Ngane a Vure i rata ria ri malamala liu.

Hibru 4:10

a vuhuna e huriki ri dili na nimalo na Vure ri malo na leho ne ria, i manga a hini a Vure i malo na tahuna i vakalobo a leho vona.

Kapiloho 10:6

i kaba na rana Viri i mahuri vakaroro, ra viri i ratarike a hunu, a maka maki lobo pololilo vona, turana malala, a maka maki i tabuli vona, turana dari, a maka maki i tabuli pololilo vona. I kaba, i taki i uka tabu ni dava,

Kapiloho 13:15

Ni mata taro ge ratea a hanuna Livoa iea ge mahuri, ge ta, ge vakuku ni gi rabalaki e huriki ri koi ni kavurike a hanune Livoa iea.

Kapiloho 14:13

Muri a longo a lohona viri i gale na hunu, i ta maea, “O here maea: I vakatubu ngane, e huriki ri luhoi torea e Bakovi Dagi, pali ri mate, ri gi vivi.” A Hanuna Vure i ta maea, “I muholi hateka ri gi vivi. Ri gi malo na leho dagi ri ratea, a vuhuna ni lohoka vona pali a naro kamumu ri ratea!”

Kapiloho 17:6

A masia a ngatavine iea, i ninu pali a darane huriki a tara na Vure, a dara ne huriki ri mate a vuhuna ri vakalongo e huriki ne Isu. I ninu a darane ria, i manga. Na tahuna a masia, a turutu.

Kapiloho 7:14

Lakea a koli a ta maea, “Bakovi dagi ioe o lohoka ne ria.” Muri i taki iau, i ta maea, “Ri pagitala valai na tahuna maregoa dagi. Ri loi a varakia ne ria na darana Tuna Sipsip, lakea ri kea mahaha.

Kapiloho 7:9

Muri a matai a tara dagi hateka, ni keri ni gi! Ri valai na robo lobo na malala, na kabu lobo na malala, na kuli lobo na malala, na tabele lobo na malala. Ri pesi na ngalana gula hariki, na ngalana Tuna Sipsip. Ri rodo a varakia ola keakea, ri nugu a pagana niu.