Kapiloho 6:10 - A Nitana Vure

¹⁰ Ra hanune huriki nga ri gale dagi, ri ta maea, “O Bakovi Dagi, ioe o tahoka a nitora lobo. Ioe o kiripiripi. Ioe a vuhuna ngava muholi. Garika go pelekado e huriki na malala, go koli a naro hale ne ria, ri rabalaki mia?”

Kapiloho 6:10 Iomraidhean Croise

A Vuhuna 4:10

Lakea e BAKOVI DAGI i ta maea, “A ra o ratea ke? O longo valai! A darane tarimu i tangi valai nau pali na malala, ga kolia a nimate vona.

Lukas 2:29

“Bakovi Dagi, iau a vora vomu. Ngane o taparaki iau ga mate na nivalemu, a vuhuna a maki o ta muholi nau vona ge bele, i bele pali.

Lukas 21:22

a vuhuna i bele muholi ngane a ngava ne huriki a propet hosi, ri here puru na hinere, a Vure ge koli a maka rabu hale.

A Raukea e Paulus i Here Lakea ne Huriki a Rom 12:19

Mua e huriki a hategu, naha ni koli a naro hale. Mu davea a rongova na Vure ge koli, a vuhuna a ngava ni here puru na Hinere, i ta maea, “E Bakovi Dagi i ta maea, ‘A nikoli, a leho nau kunana. Iau kikeri a viri bara koli a vilo hale ne huriki ri rata virihi mua vona.’”

Hibru 12:24

Mu bele ne Isu. I vakatora a ngava dagi karaba. Mu bele na darane Isu. A ngava na darane Isu i rangi a ngava na darane Abel.

2 Petrus 2:1

Hosi e huriki a nitamina propet ri bele ne huriki a Israel. I mavonga kunana, bara ri bele ne mua. Bara ri tamilalu ni tovo a ngava muholi, pali a maki ri tovo, a ngava taminga ni ratapile e huriki. Bara ri marikoi ni takia e Isu ga Bakovi Dagi ne ria, re Bakovi Dagi i konamule ria. I mavonga, a Vure bara i ratapile malaviriri ria.

Kapiloho 11:18

E huriki i uka ma ria a Iuda, i madihi a hatene ria, pali a rongova vomu i bele. A parava i bele pali, go pelekado e huriki ri mate pali, go rata kamumu e huriki a vora vomu, re huriki a propet, e huriki a tara na Vure, e huriki lobo ri togoa a ramu, e huriki a bakovi tavula, e huriki a bakovi dagi. A parava i bele pali go ratapile e huriki ri ratapile a malala.”

Kapiloho 18:20

Mua e huriki mu made na hunu, mu vivi! Mua e huriki a tara na Vure, e huriki a apostolo, e huriki a propet, mu vivi, a vuhuna a Vure i ratapilea a tanga iea, a vuhuna ri rata hale mua!”

Kapiloho 18:24

Pali a Vure i matai pololilo vona a darane huriki a propet, e huriki a tara na Vure, e huriki lobo ni rabalaki na malala.”

Kapiloho 19:2

A naro i pelekado e huriki vona i muholi, i malamala. I vakamadihi pali a ngoi dagi, ra viri i vakahale e huriki lobo na malala na moleanga vona. A Vure i koli a narona ni rabalaki e huriki a vora vona.”

Kapiloho 3:10

Mu longototo iau na tahuna a taki mua mu gu hatenono, mu gu pesi tora na maregoa. I mavonga ga matakari mua, i uka ma mu gu dili na tahuna na nitoni, ra popote ge valai na tanga lobo na malala, ge toha e huriki lobo ri made na malala.

Kapiloho 3:7

I ta tabu, i ta maea, “O here lakea na agelo ne huriki a tara na Vure o Piladelpia, o here maea: A ngava iea i valai na Viri Malamala, a Viri Muholi, ra viri i tahoka a ki ne Davit. A maki a talea, i uka tara viri ge tukari mulea. Pali a maki a tukaria, i uka tara viri ge talea.