Kapiloho 5:9 - A Nitana Vure

⁹ Lakea ri kaloloa a linge karaba, ri kalolo maea, “Ioe kunana, i kara ioe go bolea a raukea iea, go laga vuroki a buluka ni pipikari vona, a vuhuna ni rabalaki ioe, a daramu i konamule e huriki a bakovi a ngatavine, ri gi ne vona a Vure. O kona tala ria na kabu lobo na malala, a tabele lobo na malala, a kuli lobo na malala, na robo lobo na malala.

Kapiloho 5:9 Iomraidhean Croise

Mateo 20:28

ge manga a Tuna Bakovi. Ra Tuna Bakovi, i valai i uka ma ge vakavora e huriki. I valai ge ia a vora ne huriki, ge mate, ge kona­mule e huriki ala kupo.”

Mateo 26:28

a vuhuna a vain iea a daragu, ge pori nau ne vona ni vakatorea a ngava muholi a Vure i rata karaba turane huriki. Ge pori ne vona ni puga vuroki a naro hale ne huriki ala kupo.

Apostolo 20:28

Mu matakari kamumu mua turane huriki a kabukabu. A Hanu Kiripiripi i habi ria na limane mua, ge mua a matakari ne ria. Mu leho manga a matakari na tara na Vure, a Vure i konamule ria pali na darane Tuna.

1 Korin 6:20

a vuhuna i kona pali mua na mapa dagi. I mavonga, a maki lobo mu rata na kakaine mua ge rata e huriki ri gi kavurikea a Vure.

1 Korin 7:23

A Vure i kona mua na mapa dagi, i mavonga, nahea mu gu bele manga a vorakato ne huriki a bakovi.

Epesus 1:7

Si rihi e Kristo, i kona hita na darana. Ngane a Vure i puga vuroki a naro hale ne hita. Na naro iea a Vure i vakasiri ne hita, na harikia vona, ia a mari ni rata kamumu hateka hita.

Epesus 5:19

Mu vakalolo a maka linge na hinere, a linge vasileki, a linge na lotu. Mu kalolo na hatene mua ne Bakovi Dagi.

Kolosi 1:14

Ia a viri i korimule hita, i puga vuroki a naro hale ne hita.

Kolosi 1:23

A maka ngava nga i muholi na tahuna mu nugutata, mu pesi tora na niluhoi ne mua, ma ge turari mua a maki tara bara mu vorotaparaki a maki si pasimata ni matai na Velenga Kamumu. Iau e Paulus a vora ni vakalongo a Velenga Kamumu iea, ra mu longoa pali, ni vakalongo lae ne huriki lobo na malala.

Titus 2:14

Na ningaru vona i mate, ge vakamatukapaga hita na naro hale lobo, ge vahilolo hita si gi kabakaba, ge bole hita, si gi leho tora ni rata a naro kamumu.

Hibru 11:14

Si lohoka vona, ri matakanea a malala, ga tanga muholi ne ria, e huriki ri taki ri made manga a mosi kunana koea na malala.

2 Petrus 2:1

Hosi e huriki a nitamina propet ri bele ne huriki a Israel. I mavonga kunana, bara ri bele ne mua. Bara ri tamilalu ni tovo a ngava muholi, pali a maki ri tovo, a ngava taminga ni ratapile e huriki. Bara ri marikoi ni takia e Isu ga Bakovi Dagi ne ria, re Bakovi Dagi i konamule ria. I mavonga, a Vure bara i ratapile malaviriri ria.

1 Ioanes 1:7

A Vure i made na hini palala. I mavonga, na tahuna si laho na hini palala, si varihi, a darane Tuna, e Isu, i vahilolo hita na naro hale lobo ne hita.

1 Ioanes 2:2

Ia kunana a dala ne hita, ge puga vuroki a naro hale ne hita. I uka ma a dala ne hita kunana. Ia a dala ne huriki lobo na malala.

Kapiloho 10:11

Muri ni taki iau, “O ta propet tabu, o vakalongo e huriki vona a Vure ge rata navai na kabu i kupo, a robo i kupo, e huriki ri ta na tabele legelege, a hariki i kupo.”

Kapiloho 11:9

E huriki a bakovi a ngatavine na kuli lobo, na kabu lobo, na tabele lobo, na robo lobo na malala ri gi matanono a podane rua na parava i tolu, a kalavana. Ri gi hate kari, nahea ni gi tanu rua.

Kapiloho 13:7

A Vure i mata taroa, i vaubi turana e huriki a tara na Vure, i mulangi. I habi a nitora vona ge matakari e huriki lobo na malala, e huriki a kabu lobo, a kuli lobo, a maka tabele lobo, a maka robo lobo na malala.

Kapiloho 13:8

E huriki lobo na malala bara ri kavurikea e Livoa. Pali e huriki a rane ria ni here dili muga na nidoko na malala na buk na nimahuri na Sipsip, i uka ma ri gi kavurikea.

Kapiloho 14:6

Muri a masia a agelo tara, i bebe polomeli, i vakalongo e huriki na malala na Velenga Kamumu, ra i tabuli vakaroro. I vakalongo ne huriki lobo: a robo lobo, a kabu lobo, a maka tabele lobo, a kuli lobo.

Kapiloho 15:3

Ri kalolo a linge ne Moses, a vora na Vure, a linge na Tuna Sipsip. Ri kalolo maea, “O Bakovi Dagi, a Vure tuhaka hateka! E huriki ri turutu na maka maki o rata, ri dagi hateka! Hariki ne huriki lobo na malala, A naromu i muholi, i malamala!

Kapiloho 17:15

Muri a agelo i ta maea, “A maka naru o masia a ngoi i made langa ne ria, ri manga e huriki a bakovi a ngatavine na robo lobo, na tabele lobo na malala.

Kapiloho 4:11

“O Bakovi Dagi ne mia, a Vure ne mia. Ioe kunana i kara ioe e huriki ri gi vakabagetu ioe, ri gi togo ioe, ri gi kavurike a nitora vomu, a vuhuna ioe o ratarike a maki lobo na ningaru vomu kunana o ratarike ria, ri bele.”

Kapiloho 5:12

ri gale tala dagi, ri ta maea, “E huriki lobo ri gi kavurikea a Tuna Sipsip, ra ni rabalaki! Ri gi matakilaka vona a nitora dagi vona, a mahala dagi vona, a lohokanga vona, a harikianga vona! Ri gi togoa, ri gi vakabagetua, ri gi kavurikea!”

Kapiloho 5:6

Muri a masia a Tuna Sipsip, i mata manga ni rabalaki pali. I pesi na kurukuruna gula hariki, e huriki a maki mahuri i va. E huriki a nupesi ri pesi haluia. I tahoka a tupina i polorua, a matana i polorua, ra hanuna Vure i polorua ni rudu tala na tabeke lobo na malala.