Kapiloho 5:6 - A Nitana Vure

⁶ Muri a masia a Tuna Sipsip, i mata manga ni rabalaki pali. I pesi na kurukuruna gula hariki, e huriki a maki mahuri i va. E huriki a nupesi ri pesi haluia. I tahoka a tupina i polorua, a matana i polorua, ra hanuna Vure i polorua ni rudu tala na tabeke lobo na malala.

Kapiloho 5:6 Iomraidhean Croise

Ni Gi 7:39

a tuna bulmakau a toga, a sipsip a toga, a tuna sipsip a toga a pida vona i taku, ne vona a nihabi gutu-vuro;

Ni Gi 7:57

a tuna bulmakau a toga, a sipsip a toga, a tuna sipsip a toga i tahoka a pida i taku, ge a nihabi gutu-vuro;

Lukas 1:69

I vakapesi a bakovi tuhaka na kabu na vora vona, e Davit, ge korimule hita

Ioanes 1:29

Na parava muri e Ioanes i masia e Isu i laho valai vona. Lakea i taki e huriki, i ta maea, “Mu mata lakea, mu masia a Tuna Sipsip na Vure, ra viri i puga vuroki a naro hale ne huriki na malala!

Ioanes 1:36

Na tahuna e Ioanes i masia e Isu i laho polo, i ta maea, “Muru mata lakea! A Tuna Sipsip na Vure!”

Apostolo 8:32

A tabekena Hinere i gia a ori iea, i maea, “Ni lalu manga a sipsip ni gi padimate. I vulai, i malou manga a tuna sipsip ni pala a vuna, i uka ma i takia tara ngava.

Kapiloho 1:4

Iau e Ioanes a here lakea ne mua e huriki a tara na Vure i polorua, mu made o Asia. Ra Viri i made mona, i made hosi, bara i hamule valai, i rata kamumu mua, i habi a nivalemu ne mua. Pali e huriki a hanu i polorua, ra ri pesi na ngalana gula hariki vona, ria ranga ri gi rata kamumu mua, ri gi habi a nivalemu ne mua.

Kapiloho 12:11

E huriki e turane hita ri mulangi vona pali na darana Sipsip, na ngava muholi ri vakalongo e huriki vona. Ri mulangi a vuhuna i uka ma ri mangenge ni mate.

Kapiloho 13:8

E huriki lobo na malala bara ri kavurikea e Livoa. Pali e huriki a rane ria ni here dili muga na nidoko na malala na buk na nimahuri na Sipsip, i uka ma ri gi kavurikea.

Kapiloho 14:1

Muri a mata lakea. A Tuna Sipsip i pesi na lolo e Sion turana e huriki ala 144,000. A rana, turana rane Tamana ni here na dumene ria.

Kapiloho 17:14

Bara ri vaubi na Tuna Sipsip, lakea a Tuna Sipsip bara i ratapile ria, a vuhuna ia a Bakovi Dagi ne huriki a bakovi dagi. Ia a Hariki ne huriki a hariki. I gale e huriki ri laho turana, i vulaki ria, ri rata a maki lobo i taki ria ri gi rata.”

Kapiloho 21:22

I uka roho na Vure ge tabuli pololilo na tanga dagi, a vuhuna e Bakovi Dagi, a Vure Tuhaka Hateka, rua a Tuna Sipsip, rua a roho na Vure.

Kapiloho 21:23

A tanga iea, i uka ma i ngarua a haro, a keva ru gu paraia, a vuhuna a nipara dagi na Vure i paraia, a Tuna Sipsip i manga a nipara vona.

Kapiloho 22:1

Muri a agelo i vakasiri iau vona a naru na nimahuri. I parahidi manga a glas, i tua tala na gula hariki na Vure, a gula hariki na Tuna Sipsip.

Kapiloho 22:3

I uka tabu tara maki ni ruduraha. A gula hariki na Vure, na Tuna Sipsip ru gu tabuli na tanga iea. E huriki a vora vona ri gi kavurikea.

Kapiloho 4:8

Ra maka maki mahuri nga, tou lobo to tahoka a karapane tou i polotara. Tou lobo to tahoka a matane tou i kupo na tabeke lobo. Pololilo na karapane tou ranga, i vona a matane tou i kupo. I uka ma ri malo ni kavurikea a Vure. Na haro, na rodo ri ta maea, “E Bakovi Dagi i Tuhaka Hateka! I malamala! I malamala! I malamala hateka! I made hosi, i made ngane, bara i made vakaroro!”

Kapiloho 5:11

Muri a mata lakea, a longo a lohone huriki a agelo ala kupo, ala kupo hateka, ni keri ni gi! Ri pesi halui a gula hariki, a maka maki mahuri, e huriki a nupesi,

Kapiloho 5:12

ri gale tala dagi, ri ta maea, “E huriki lobo ri gi kavurikea a Tuna Sipsip, ra ni rabalaki! Ri gi matakilaka vona a nitora dagi vona, a mahala dagi vona, a lohokanga vona, a harikianga vona! Ri gi togoa, ri gi vakabagetua, ri gi kavurikea!”

Kapiloho 5:13

Muri a longo a maki mahuri lobo na hunu, a maki mahuri lobo na malala, polotano na malala, pololilo na dari, ria lobo ri ta maea, “A viri i made na gula hariki, turana Tuna Sipsip, si gi vakabagetu, si gi togo, si gi kavurike vakaroro rua!”

Kapiloho 5:14

A maki mahuri i va ri ta maea, “I muholi!” Lakea e huriki a nupesi ri tabuli puru, ri kavurike rua.

Kapiloho 6:16

Ri gale tala, ri taki a maka lolo, a maka kedo, ri ta maea, “Mu taho mia, mu ruhulolo mia na matana Viri i made na gula hariki, mu ruhulolo mia na rongova na Tuna Sipsip,