Kapiloho 4:2 - A Nitana Vure

² Malaviriri kunana, a Hanu Kiripiripi i bele tora nau, a matai a gula hariki i tabuli na hunu, a bakovi tara i made vona.

Kapiloho 4:2 Iomraidhean Croise

Mateo 22:43

Lakea e Isu i nana ria, “Pali e Davit, i navai i takia e Kristo a Bakovi Dagi vona? Na tahuna a Hanu Kiripiripi i dili ne Davit, i ta maea,

Hibru 8:1

A vuhuna ngava nga i maea: Si tahoka pali a prister dagi. I made na limana kanena Hariki na hunu, i matakari.

Kapiloho 1:10

Na parava ne Bakovi Dagi a Hanu Kiripiripi i bele tora nau. A longo na bitogu a lohona bakovi i gale dagi, i nangi i manga a tavure.

Kapiloho 12:5

Muri a ngatavine i podea a koma bakovi, ra viri ge matakari a tanga lobo na malala. Ge matakari ria na naro hateka, i manga a viri i matakari e huriki na lebo ni rata na aen. A ngatavine i poda, pali e tuna ni kini paru na limana, ni bole sike na Vure, na gula hariki vona.

Kapiloho 17:3

Lakea a Hanuna Vure i bele tora nau, a agelo i kaloho iau, miri lakea na tabeke i ngeki. A masia vonga a ngatavine i made langa na livoa vururu. Ni here vona a maka rana ri ta hale na Vure. A livoa iea, a mapana i polorua, a pelengana i ravulu.

Kapiloho 19:4

Muri e huriki a nupesi ala ravulu rua a polona i va (24), turana maki mahuri ala va, ri tabuli puru na ngalane ria, ri kavurikea a Vure, ra i made na gula hariki, ri ta maea, “I muholi. Kavurikea a Vure!”

Kapiloho 20:11

Muri a masia a gula hariki keakea dagi, i made vona tara viri. A malala a hunu ru ha taroa, i uka ma ni matai tabu.

Kapiloho 21:10

Lakea a Hanu Kiripiripi i bele tora nau, a agelo i bole sike iau na mapana lolo dagi. I vakasiri iau vona a tanga na Vure, e Ierusalem, i puru valai na Vure na hunu.

Kapiloho 21:5

Lakea a viri i made na gula hariki i ta maea, “Mu longo! A rata a maki lobo ri bele karaba tabu.” Muri i ta maea, “O here puru a ngava nga, a vuhuna ri muholi, ri gi bele muholi.”

Kapiloho 3:21

E rei a viri i mulangi, bara ratea ge made turagu na gula hariki nau, i manga a hini iau tara a mulangi hosi, a made turane Tata na gula hariki vona.

Kapiloho 4:10

lakea e huriki a nupesi ala ravulu rua a polona i va ri tabuli puru na ngalana, ri kavurikea ra viri i made vakaroro. Ri voro puru na vahana a tama hariki ne ria, ri ta maea,

Kapiloho 4:5

A matai a vila i maravila tala na gula hariki, a longoa a nangina hini i kururu. A nipara i polorua ri huvi na ngalana gula hariki. Ra nipara nga, a hanuna Vure i polorua.

Kapiloho 4:9

Na tahuna a maki mahuri nga to vakabagetua, to togoa, to kavurikea ra viri i made na gula hariki, ra viri i mahuri vakaroro,

Kapiloho 5:1

Muri a matai a viri i made na gula hariki, i nugu na limana a kanena a raukea ola ni pilu. A raukea iea ni here a ngava na ngalana, na bitona varago. Ni tango kapi na tabeke i polorua na buluka na kadel.

Kapiloho 5:13

Muri a longo a maki mahuri lobo na hunu, a maki mahuri lobo na malala, polotano na malala, pololilo na dari, ria lobo ri ta maea, “A viri i made na gula hariki, turana Tuna Sipsip, si gi vakabagetu, si gi togo, si gi kavurike vakaroro rua!”

Kapiloho 6:16

Ri gale tala, ri taki a maka lolo, a maka kedo, ri ta maea, “Mu taho mia, mu ruhulolo mia na matana Viri i made na gula hariki, mu ruhulolo mia na rongova na Tuna Sipsip,