Kapiloho 4:10 - A Nitana Vure

¹⁰ lakea e huriki a nupesi ala ravulu rua a polona i va ri tabuli puru na ngalana, ri kavurikea ra viri i made vakaroro. Ri voro puru na vahana a tama hariki ne ria, ri ta maea,

Kapiloho 4:10 Iomraidhean Croise

Mateo 2:11

Na tahuna to bele na ruma, to masia a koma turana e kinana e Maria, lakea to turume puru, to kavurikea e Isu. To bole tala na tava ne tou a mahala, to vakaparua na gol, a buluka mangisipa ni gale a insens tara, a mir tara.

Lukas 24:52

Ri kavurikea. Muri ri hamule lakea o Ierusalem ri pitei na dala.

1 Korin 15:10

Pali a Vure i rata kamumu iau, i rata iau a bele manga iau ngane. A Vure i rata kamumu iau, i uka ma i rata tavula, a vuhuna a leho tora hateka ne huriki a apostolo ranga. Pali i uka ma iau a leho tora hateka. A Vure i rata kamumu iau, lakea a leho tora hateka.

Vinara 32:40

Muholi hateka iau kunana iau a Vure a made vakaroro. A ratea a nita muholi a ta maea,

Kapiloho 10:6

i kaba na rana Viri i mahuri vakaroro, ra viri i ratarike a hunu, a maka maki lobo pololilo vona, turana malala, a maka maki i tabuli vona, turana dari, a maka maki i tabuli pololilo vona. I kaba, i taki i uka tabu ni dava,

Kapiloho 11:16

Lakea e huriki a nupesi ala ravulu rua a polona i va, ra ri made na matana Vure na gula hariki ne ria, ri tabuli puru na matane ria, ri kavurikea a Vure,

Kapiloho 15:4

O Bakovi Dagi, e huriki lobo ri vakabagetua a ramu, ri mangenge vomu. Ioe kikeri o malamala. E huriki na tanga lobo ri gi valai ri gi kavurike ioe, a vuhuna i bele kavakava a naro kiripi vomu.”

Kapiloho 15:7

Tara ne huriki a maki mahuri i va i valai, i habi ne ria a tavila i polorua ni rata na gol. A tavila nga ri vona a rongova na Vure, ra i mahuri vakaroro.

Kapiloho 19:4

Muri e huriki a nupesi ala ravulu rua a polona i va (24), turana maki mahuri ala va, ri tabuli puru na ngalane ria, ri kavurikea a Vure, ra i made na gula hariki, ri ta maea, “I muholi. Kavurikea a Vure!”

Kapiloho 4:2

Malaviriri kunana, a Hanu Kiripiripi i bele tora nau, a matai a gula hariki i tabuli na hunu, a bakovi tara i made vona.

Kapiloho 4:4

A gula hariki i ravulu rua a polona i va ri pesi halui a gula hariki iea. E huriki a nupesi ala ravulu rua a polona i va ri made na gula hariki nga. Ri rodo a varakia keakea, ri kube a tama hariki ni rata na gol.

Kapiloho 4:9

Na tahuna a maki mahuri nga to vakabagetua, to togoa, to kavurikea ra viri i made na gula hariki, ra viri i mahuri vakaroro,

Kapiloho 5:14

A maki mahuri i va ri ta maea, “I muholi!” Lakea e huriki a nupesi ri tabuli puru, ri kavurike rua.

Kapiloho 5:8

I bole loboa a raukea iea, muri a maki mahuri i va, turana e huriki a nupesi ala ravulu rua a polona i va, ri tabuli puru na ngalana Tuna Sipsip. Ria lobo ri nugu a hap turana ulo ni rata na gol ri vona a havu mangisipa. A havu iea a maka nivasileki ne huriki a tara na Vure.

Kapiloho 7:11

E huriki a agelo lobo ri pesi haluia a gula hariki, e huriki a nupesi, a maki mahuri i va. Ri tabuli puru na matane ria, na ngalana gula hariki, ri kavurikea a Vure,