Kapiloho 3:8 - A Nitana Vure

⁸ A lohoka na narone mua. Mu longo! A ru na ngalane mua a dua i mata ka. I uka tara viri ge tukaria. A lohoka ne mua, mu uka nitora. Pali mu longototo a nitagu, i uka ma mu lohopilea a ragu.

Kapiloho 3:8 Iomraidhean Croise

Lukas 12:9

Pali e rei a viri i lavuni nau na matane huriki a bakovi, iau tara bara ta lavuni vona na matane huriki a agelo na Vure.

Ioanes 15:20

Mu luhoi mulea a ngava a taki mua vona, ‘A vora i uka ma i muga na matakari vona.’ E huriki ri rata hale iau, bara ri rata hale mua. E huriki ri longo mai a vinara nau, bara ri longo mai a vinara ne mua.

Ioanes 17:6

“E huriki a murimuri, muga o bole tala ria ne huriki a bakovi na malala, o habi ria nau. A vakasiri ioe pali ne ria. Re huriki nga a viri vomu; o habi ria nau, lakea ri longototo a ngavamu.

Apostolo 14:27

Na tahuna ru bele o Antiok ru gale palupu e huriki a tara ne Kristo, ru vakalongo ria vona a maka maki a Vure i rata na limane rua. Ru vakalongo ria vona a Vure i vakasiri a dala ne huriki i uka ma ria a Iuda, ri gi luhoi torea e Kristo.

1 Korin 16:9

a vuhuna a Vure i kado puru pali a dalagu ga rata a leho dagi vona, ga vakabele a kanena dagi. Ri ala kupo hateka ri gege iau koea.

2 Korin 2:12

Na tahuna a bele o Troas ta ga vakalongo e huriki vonga na Velenga Kamumu ne Kristo, a masia e Bakovi Dagi i ratea pali a dalagu, ga ratea a leho vona.

Pilipai 4:13

E Kristo i vaka­tora iau, lakea a kara ni rata a maki lobo.

Kolosi 4:3

Mu vasileki na Vure ge tuhori maria, ge kado a dala ne maria, miri gi vakalongo tabu a nita kapiloho ne Kristo. Ngane a made na bavi, a vuhuna a vakalongo e huriki na nita iea.

1 Timoti 5:8

A viri i uka ma i matakari a viri vona, ra kabu vona muholi, i pea pali a Vure. Ra bakovi maea, a narona i hale hateka ne huriki i uka ma ri luhoi torea a Vure.

2 Timoti 4:7

A toni a bulugu ni nunu hateka. A vakalobo ngane a nivarangi. A leho lobo i habi nau ga rata, a rata kamumu pali. A ramai kamumua a Vure. I uka ma a ha taroa.

Iuda 1:4

I ranga e huriki ri dili turane mua ri tamilalu, i uka ma mu matakilala ria. Ri ngalahere na Vure. A narona Vure, i rata kamumu hita, ri puloa, ri taki ta i kamumu ri gi tabana ni mole lae. Ri marikoi ni taki e Isu Kristo a Bakovi Dagi ne ria. I paru hosi, a Vure i lohoka ne ria, i taki ge ratapile ria.

Kapiloho 2:13

Iau a lohoka vona mu made vai. A gula hariki ne Satan i tabuli na tanga iea. Pali mu tabana ni pesi tora na ragu. E Antipas, ra bakovi ne mua i kinigao ni taki tala a nitagu, ni rabalaki vonga na tanga ne Satan. Pali i uka ma mu lobo ni luhoi tora iau.

Kapiloho 2:2

Iau a lohoka vona a narone mua. A lohoka na maka maregoa mu bole pali. A lohoka vona a hini mu hatenono na tahuna e huriki ri vakamadihi mua. A matakilaka vona mu koi ne huriki a bakovi hale. Mu toha e huriki ri taki ta ria a apostolo. Mu matai pali ria ri tatami.

Kapiloho 22:7

E Isu i ta maea, “Mu longo! I popote ga hamule valai! E huriki ri longototo a nita propet i tabuli na buk iea, ri gi vivi.”

Kapiloho 3:1

Muri i ta tabu, i ta maea, “O here lakea na agelo ne huriki a tara na Vure o Sardis, o here maea: A ngava iea i valai na Viri i matakari a hanuna Vure i polorua, i nugu a hada i polorua. A lohoka na narone mua. E huriki ri pahaluhoi ta mu tahoka a nimahuri, pali mu mate pali.

Kapiloho 3:10

Mu longototo iau na tahuna a taki mua mu gu hatenono, mu gu pesi tora na maregoa. I mavonga ga matakari mua, i uka ma mu gu dili na tahuna na nitoni, ra popote ge valai na tanga lobo na malala, ge toha e huriki lobo ri made na malala.

Kapiloho 3:15

A lohoka vona a narone mua. I uka ma mu piu, i uka ma mu rongo. A ngaru mu gu piu, o mu gu rongo!

Kapiloho 3:7

I ta tabu, i ta maea, “O here lakea na agelo ne huriki a tara na Vure o Piladelpia, o here maea: A ngava iea i valai na Viri Malamala, a Viri Muholi, ra viri i tahoka a ki ne Davit. A maki a talea, i uka tara viri ge tukari mulea. Pali a maki a tukaria, i uka tara viri ge talea.