Kapiloho 3:18 - A Nitana Vure

¹⁸ Ngane a taki mua, a gol nau ni gutu na kanono i maga hateka. Mu konea, mu gu tahoka a mahala. Mu kona nau a varakia keakea, mu gu kavitagu mua vona, i uka ma mu gu kabobo, i uka ma mu gu maruhu tabu. Mu kona nau a marasin na matane mua, mu gu matai tabu.

Kapiloho 3:18 Iomraidhean Croise

Mateo 13:44

“A harikianga na hunu i manga a tava ni tanu na malala. A bakovi tara i keli a malala, i matavisia a tava. Muri i ru mule tabua. I vivi hateka, lakea i vano i habi a maki lobo vona ni gi kona. I bole a moni, i konea a tabekena malala iea, ge ne vona a tava ni tanu vonga.

Mateo 25:9

“Pali ri koli ria, ri ta maea, ‘I uka. A karasin i uka ma i kara hita lobo. Mu vano mu lakea ne huriki ri habi a karasin, mu kona ranga ge ne mua.’

Lukas 12:21

“E huriki a bakovi na mahala, ri mavonga. Ri ru kadolu a mahala i kupo, pali na matana Vure, ria a matasia.”

2 Korin 5:3

Na tahuna si bole a kakaine hita karaba, i uka ma si gi manga a hanu kunana.

2 Korin 8:9

Mu lohoka vona a naro kamumu ne Isu Kristo a Bakovi Dagi ne hita. Muga ia a bakovi na mahala, i tahoka a maki lobo. Pali i luhoi mua, i taparaki a maki lobo nga, i bele manga a matasia. I rata mavonga, mu gu bele manga a bakovi na mahala, a mahala lobo na Vure ge ne vone mua.

1 Timoti 6:18

O taki ria ge ria a mari ni rata a naro kamumu, ni tuhori e huriki, ri gi hatebalala.

Iakop 2:5

Mua e huriki a turagu, a ngaru hateka mua, mu longo kamumu. A Vure i vulaki e huriki a matasia na malala ri gi luhoi torea, ri gi tahoka a mahala meli na hunu, ri gi dili na harikianga vona, i manga a hini hosi i ta muholi vona, e huriki ri ngaru hatekea ri gi bole.

1 Petrus 1:7

Mu gu bole taro a nimadihi na nitoni legelege, ge vakasiri mu luhoi tora muholi. A gol a maki i uka ma ge tabuli vakaroro. Pali ia tara, ni toni na kanono. I mavonga, a niluhoi ne mua, ra i dagi hateka na gol, ni gi toni taro, ge tabuli tabaka. Na tahuna mu bole a nitoni, pali mu pesi tata ni luhoi tora, bara ni kavurike mua, bara ni vakabagetu mua, bara ni togo mua na tahuna e Isu Kristo i bele kavakava.

Kapiloho 16:15

“Mu longo! Popote ga valai vakaturutu, i manga a panaho! E huriki i uka ma ri mahita, ri matapara, ri rodo a varakia ri gi vivi, a vuhuna i uka ma ri gi bobo. I uka ma ni gi matai a mudune ria.”

Kapiloho 19:8

Ni habi vona ge rodoa a varakia keakea, i para hateka, i kamumu hateka.” A varakia, ra mapana i dagi hateka, i manga a maka naro kamumu ne huriki a tara na Vure.

Kapiloho 2:9

Iau a lohoka vona, mua ni vakamarego, mu bala a maki na malala, pali mu tahoka a mahala. A lohoka ne huriki ri taki ta ria a Iuda muholi, pali ria a tara ne Satan, ri padi a kidune mua.

Kapiloho 3:17

a vuhuna mu taki ta mu tahoka a mahala, mu ru kadolu a maki i kupo, i uka ma mu ngarua tara maki. Pali mu matasia hateka, mu bala a maki, mu kepa, mu kabobo.

Kapiloho 4:4

A gula hariki i ravulu rua a polona i va ri pesi halui a gula hariki iea. E huriki a nupesi ala ravulu rua a polona i va ri made na gula hariki nga. Ri rodo a varakia keakea, ri kube a tama hariki ni rata na gol.

Kapiloho 7:13

Muri tara ne huriki a nupesi i nana iau, “Re huriki nga ri rodo a varakia ola keakea, ria e rei? Ri valai vai?”