Kapiloho 3:15 - A Nitana Vure

¹⁵ A lohoka vona a narone mua. I uka ma mu piu, i uka ma mu rongo. A ngaru mu gu piu, o mu gu rongo!

Kapiloho 3:15 Iomraidhean Croise

Mateo 10:37

“E rei a viri i ngaru e tamana e kinana, a ningaru vona i dagi hateka na hini i ngaru iau, i uka ma i kara ia ge ia a murimuri nau. A viri i ngaru hatekea e tuna, a ningaru vona i dagi hateka na hini i ngaru iau, i uka ma i kara ia ge ia a murimuri nau.

Mateo 24:12

E huriki ala kupo bara ri lobo ni vangaru, a vuhuna e huriki ala kupo bara ri longotaro a vinara.

Mateo 6:24

“I uka tara viri ge vora na bakovi ala rua, a vuhuna bara i koi vona tara, i ngarua tara. Bara i habi a hatena na bakovi tara, i biu a bakovi tara. I uka tara viri ge vora varago na Vure, a moni.

A Raukea e Paulus i Here Lakea ne Huriki a Rom 12:11

Naha ni made tavula. Mu habi a hatene mua ni ratea a leho ne Bakovi Dagi.

1 Korin 16:22

E rei a viri i uka ma i ngarua e Bakovi Dagi, a Vure ge rudurahea. O valai, Bakovi Dagi ne mia!

2 Korin 12:20

Iau ga lakene, pali a mangenge, ma ga matai mua mu gu naro tebi na naro a ngaru ta mu gu rata. Lakea mua ranga, bara mu matai iau i mapulo a narogu. A mangenge ga matai mua mu gu vahehe, mu gu vamasigoro, mu gu vatahate, mu gu vapida lae, mu gu vapadimomo, mu gu ta tavulavula, mu gu putu ngingi, mu gu rata viliha.

Vinara 5:29

A ngaru ria ri gi luhoi maea vakaroro, ri gi togo iau, ri gi longototo a maka vinara nau vakaroro. Muri a leho lobo ne ria, ne huriki a hamone ria bara ri kamumu vakaroro.

Pilipai 1:9

A vasileki ne mua, mu gu vangaru hateka tabu, a lohokanga ne mua ge bele dagi, a naro ni matakilaka vona a maki kamumu, a maki hale, ge bele dagi.

2 Tesalonika 1:3

Mua e huriki a turagu, i kamumu mete ge luhoi mua, mete ge kavurike vaka­roroa a Vure, a vuhuna a niluhoi ne mua i bele tora hateka, a rabu ni vangaru i bebele dagi ne mua.

Iakop 1:8

A bakovi i loho rua, i uka ma i tabuli kamumu a niluhoi vona, bara i ruru.

1 Petrus 1:22

Naha ni tamilalu. Mu vangaru muholi na naro kiripiripi, i manga mua a maki tari, a vuhuna mu longo pali a ngava muholi, i rata a hanune mua i malamala pali.

Kapiloho 2:2

Iau a lohoka vona a narone mua. A lohoka na maka maregoa mu bole pali. A lohoka vona a hini mu hatenono na tahuna e huriki ri vakamadihi mua. A matakilaka vona mu koi ne huriki a bakovi hale. Mu toha e huriki ri taki ta ria a apostolo. Mu matai pali ria ri tatami.

Kapiloho 2:4

Pali iau a tahoka a ngava ne mua. I muga mu ngaru hateka iau. Pali ngane mu pe pali a naro ni ngaru hateka iau.

Kapiloho 3:1

Muri i ta tabu, i ta maea, “O here lakea na agelo ne huriki a tara na Vure o Sardis, o here maea: A ngava iea i valai na Viri i matakari a hanuna Vure i polorua, i nugu a hada i polorua. A lohoka na narone mua. E huriki ri pahaluhoi ta mu tahoka a nimahuri, pali mu mate pali.

Kapiloho 3:16

I uka ma mu piu, i uka ma mu rongo, mu nami hurari. I mavonga ga muta tala mua na ngavagu,