Kapiloho 3:11 - A Nitana Vure

¹¹ Iau ga bele malaviriri. A maki mu tahoka, mu nugu tata torea. A mapane mua, ma ge radia a bakovi tara.

Kapiloho 3:11 Iomraidhean Croise

1 Korin 9:25

E huriki a bakovi na rihiva ri tovo mule a kakaine ria. Ri rata mavonga, ri gi mulangi, ri gi bole a mapane ria. A mapa ri bolea bara i ropo muri ma. Pali a mapane hita bara i tabuli vakaroro.

Pilipai 4:5

Mu ta madoru mai e huriki lobo. E Bakovi Dagi i tabukoi ge valai,

2 Timoti 2:5

A bakovi na rihiva i varangi na rihiva ge muri mai a vinara na rihiva, bara i bole a tama na tahuna i mulangi.

2 Timoti 4:8

I mavonga, e Bakovi Dagi, ra viri i pelekado malamala e huriki, i kisi puru a mapa kamumu nau, i manga a viri i mulangi na rihiva i bole a tama. Bara i habia nau na parava i pelekado e huriki. Bara i habia nau a mapa kamumu, a vuhuna i matai iau a malamala na matana. I uka ma ge habi nau kunana. Bara i habi ne huriki lobo ri pasimata vona ge hamule valai.

Iakop 1:12

A viri i pesi tora na tahuna a nitoni i bele ge vivi, a vuhuna a Vure bara i habi a mapana, ge bole a nimahuri vaka­roro, i manga a viri i mulangi na rihiva i bole a tama. A Vure i taki muga pali ge habi a mapa ne huriki ri ngarua a Vure.

Iakop 5:9

Mua e huriki a turagu nahea mu gu ta tutu, ma ge pelekado mua a Vure. Mu longo kamumu, a Mari ni pelekado i popote ge valai.

Kapiloho 1:3

E rei a viri ge gi tala a ngava na nita propet iea, ge vivi. E huriki ri longoa, ri longototo a ngava nga ni here, ria ranga ri gi vivi, a vuhuna a parava i valai tabukoi pali.

Kapiloho 16:15

“Mu longo! Popote ga valai vakaturutu, i manga a panaho! E huriki i uka ma ri mahita, ri matapara, ri rodo a varakia ri gi vivi, a vuhuna i uka ma ri gi bobo. I uka ma ni gi matai a mudune ria.”

Kapiloho 2:10

I popote mu gu bole a maregoa, pali naha ni mangenge. Mu longo, e Satan i popote ge ru dili ranga ne mua na bavi, ge toha mua, bara mu tahoka a maregoa na parava i ravulu. Mu pesi tora ni luhoi tora iau, ge vano ge harena na tahuna mu mate, lakea iau bara habi ne mua a mapane mua, ra a nimahuri vakaroro, i manga a viri i mulangi na rihiva i bole a tama.

Kapiloho 2:13

Iau a lohoka vona mu made vai. A gula hariki ne Satan i tabuli na tanga iea. Pali mu tabana ni pesi tora na ragu. E Antipas, ra bakovi ne mua i kinigao ni taki tala a nitagu, ni rabalaki vonga na tanga ne Satan. Pali i uka ma mu lobo ni luhoi tora iau.

Kapiloho 2:25

Mu nugu tata kunana a niluhoi ne mua, ge harena na parava ga valai vona.

Kapiloho 22:12

E Isu i ta maea, “Mu longo! Ga valai malaviriri, ga habi ne huriki lobo a mapane ria, i ramai a narone ria.

Kapiloho 22:20

A viri i ta muholi na ngava nga i ta maea, “I muholi, iau ga valai malaviriri.” I muholi. O Isu, a Bakovi Dagi, o valai!

Kapiloho 22:7

E Isu i ta maea, “Mu longo! I popote ga hamule valai! E huriki ri longototo a nita propet i tabuli na buk iea, ri gi vivi.”

Kapiloho 3:3

Mu luhoi tabu a ngava mu longoa, mu longototoa hosi. Mu longototoa, mu pulo a vilone mua. Mua bara mu koi ni hadongo, bara valai manga a viri i panaho. Bara valai vakaturutu, a habi a nimadihi ne mua.

Kapiloho 4:10

lakea e huriki a nupesi ala ravulu rua a polona i va ri tabuli puru na ngalana, ri kavurikea ra viri i made vakaroro. Ri voro puru na vahana a tama hariki ne ria, ri ta maea,

Kapiloho 4:4

A gula hariki i ravulu rua a polona i va ri pesi halui a gula hariki iea. E huriki a nupesi ala ravulu rua a polona i va ri made na gula hariki nga. Ri rodo a varakia keakea, ri kube a tama hariki ni rata na gol.