Kapiloho 22:2 - A Nitana Vure

² I tua tala, i tua na kurukuruna dala dagi na tanga. Na gaga varago na naru, a kai na nimahuri ri pesi. Ri vua balaka ravulu a polona i rua (12) na pida i taku. Ri vua na keva takutaku. A pagana kai iea, ne vona ni vakamahuri e huriki na tanga lobo.

Kapiloho 22:2 Iomraidhean Croise

A Vuhuna 2:9

E BAKOVI DAGI a Vure i rata rike a maka kai legelege ri mapoda na malala, a maka kai mata kamumu, i kamumu a kanena ni kanina. Na kurukuruna hania a kai i rua ru pesi: a kai i habi a nimahuri, turana a kai i habi a lohokanga na naro kamumu na naro hale.

Lukas 4:18

“A Hanune Bakovi Dagi i made turagu, a vuhuna i vulaki iau ga vakalongo a Velenga Kamumu ne huriki a matasia. I rudu iau ga vakalongo e huriki ni ru dili na bavi, ne ria ri gi matukapaga. I rudu iau ga vakamatapara e huriki a kepa. I rudu iau ga rata e huriki ni rata hale, ri gi matukapaga.

1 Petrus 2:24

Na tahuna i tavore na kai tavalavala, i bole na kakaina a naro hale ne hita. I rata mavonga, si gi mate na naro hale, si gi mahuri mule na naro malamala. A harena lebo na kakaina i vakatavaga mua.

Kapiloho 2:7

E rei a viri i ngaru ni longokilala, ge longo kamumu, ge luhoi kado a ngava a Hanu Kiripiripi i taki virihi e huriki a tara na Vure. E huriki ri mulangi na vabinga, ga taki ria ri gi kani a kanena kai na nimahuri, ra i pesi na hania na Vure.”

Kapiloho 21:21

A logo i ravulu a polona i rua, ni rata takutaku na meki dagi i taku. A dala na tanga ni rata na gol, i maga hateka, i manga a glas.

Kapiloho 21:24

E huriki a kabu lobo bara ri laho na nipara vona. E huriki a hariki lobo na malala ri gi bole valai a mahala ne ria, ri gi habia na Vure ne vona ni togoa.

Kapiloho 22:1

Muri a agelo i vakasiri iau vona a naru na nimahuri. I parahidi manga a glas, i tua tala na gula hariki na Vure, a gula hariki na Tuna Sipsip.

Kapiloho 22:14

“E huriki ri loi a varakia ne ria ri gi vivi, a vuhuna a Vure bara i taki ria ri kani na kai na nimahuri, ri gi dili na logo, ri gi dili na tanga.

Kapiloho 22:19

Pali e rei a viri i ravunu vuroki ranga nita propet i tabuli na buk iea, a Vure bara i ratea i uka ma ge kani na kai na nimahuri, i uka ma ge dili na tanga vona, i manga a ngava ni taki tala na buk iea.