Kapiloho 22:16 - A Nitana Vure

¹⁶ “Iau e Isu, a rudua a agelo nau ge vakalongo vomu a ngava nga, go taki e huriki a tara nau na tabeke lobo. Iau a vuhune Davit, iau a hamone Davit. Iau a hada e Lagavago.”

Kapiloho 22:16 Iomraidhean Croise

Ni Gi 24:17

A masia, pali i tabana, a masia, pali i uka ma i tabuli tabukoi. A hada bara i pagitala valai ne Iakop, a kodo hariki bara i pesi rike o Israel. Bara i ubi momo a dumena matana e huriki a Moab, bara i ubi momo a gine huriki e tune Set.

Mateo 1:1

E huriki a vuhune Isu Kristo, a hamone Davit, a hamone Abraham.

Mateo 2:2

To nana, “Avia a viri ni poda a hariki ne huriki a Iuda? Mete masia a hada vona na tabeke na nirike na haro, mete valai mete ge kavurikea.”

Mateo 22:42

“Mu luhoi navia e Kristo? Ia a hamone rei?” Ri koli, ri ta maea, “E Kristo a hamone Davit.”

Mateo 22:45

“E Davit i galea e Kristo e ‘Bakovi Dagi,’ pali i navai tabu ge ia a hamona?”

Lukas 1:78

Ge puga vuroki a naro hale ne ria, a vuhuna i ngaru ria na hatena, i dodo ria. Ngane a viri i korimule hita bara i valai i manga a haro i para valai na hunu.

Lukas 20:44

“E Davit i galea a viri iea a Bakovi Dagi vona. Pali i navai tabu ge ia e tune Davit?”

A Raukea e Paulus i Here Lakea ne Huriki a Rom 15:12

E Isaia a propet i here puru hosi, i ta maea, “A hamone Iesi bara i valai, ge vakatubu ni matakari e huriki i uka ma ria a Iuda. Bara ri pasimata vona ge korimule ria.”

A Raukea e Paulus i Here Lakea ne Huriki a Rom 9:5

A Vure i vulaki e huriki a gare ne ria hosi, ge ria a vuhuna a kabu ne Israel. E Kristo i bele manga a bakovi na kabu ne ria, re Kristo ia a Vure, i matakari a maki lobo, ge bole a bagetuanga na parava vakaroro. I muholi.

2 Petrus 1:19

A ngavane huriki a propet hosi, ri ta virihi mai e Isu vona, i muholi hateka. I kamumu mu gu longo kamumu. A ngavane ria i manga a kanono i para na uvo, i vakasiri a dala. Mu loho doko vona, ge vano ge harena na tahuna a nipara ne Kristo ge parai a hatene mua, i manga a hini i malaharere, i rike a hada e Lagavago.

Kapiloho 1:1

Iea ngane a ngava a Vure i vakalongo ne Isu Kristo, ge vakalongo polo ne huriki a vora vona. A ngava na maka maki ge bele malaviriri. I rudua a agelo vona ge vakalongo a ngava nga na vora vona, ra iau, e Ioanes.

Kapiloho 1:11

A loho iea i ta maea, “A maki lobo o matai, o here puru na raukea, o vakaru lakea ne huriki a tara na Vure o Epesus, o Smerna, o Pergamum, o Tiatira, o Sardis, o Piladelpia, o Laodisia.”

Kapiloho 1:4

Iau e Ioanes a here lakea ne mua e huriki a tara na Vure i polorua, mu made o Asia. Ra Viri i made mona, i made hosi, bara i hamule valai, i rata kamumu mua, i habi a nivalemu ne mua. Pali e huriki a hanu i polorua, ra ri pesi na ngalana gula hariki vona, ria ranga ri gi rata kamumu mua, ri gi habi a nivalemu ne mua.

Kapiloho 2:11

E rei a viri i ngaru ni longokilala, ge longo kamumu, ge luhoi kado a ngava a Hanuna Vure i taki virihi e huriki a tara na Vure. E huriki ri mulangi na vabinga, a ruana matenga i uka ma ge padoi ria.”

Kapiloho 2:17

E rei a viri i ngaru ni longokilala, ge longo kamumu, ge luhoi kado a ngava a Hanu Kiripiripi i taki virihi e huriki a tara na Vure. E huriki ri mulangi na vabinga, ga habi ne ria ranga mana, ra i tabuli kapiloho. Ga habi ne ria a kedo keakea, a rane ria karaba ni here vona. A rana karaba iea, i uka tara viri ge lohoka vona. A viri i bole a kedo iea, ia kikeri ge lohoka vona a rana karaba iea.”

Kapiloho 2:7

E rei a viri i ngaru ni longokilala, ge longo kamumu, ge luhoi kado a ngava a Hanu Kiripiripi i taki virihi e huriki a tara na Vure. E huriki ri mulangi na vabinga, ga taki ria ri gi kani a kanena kai na nimahuri, ra i pesi na hania na Vure.”

Kapiloho 22:1

Muri a agelo i vakasiri iau vona a naru na nimahuri. I parahidi manga a glas, i tua tala na gula hariki na Vure, a gula hariki na Tuna Sipsip.

Kapiloho 22:11

E huriki a bakovi hale, ri gi rata mavonga a naro hale. E huriki ri katoki na matana Vure, ri gi katoki mavonga. E huriki a bakovi malamala, ri gi malamala mavonga. E huriki a bakovi na Vure, ri gi ramai mavongea a Vure.”

Kapiloho 22:20

A viri i ta muholi na ngava nga i ta maea, “I muholi, iau ga valai malaviriri.” I muholi. O Isu, a Bakovi Dagi, o valai!

Kapiloho 22:6

Muri a agelo iea i taki iau, “A ngava nga ri muholi, ri gi bele muholi. E Bakovi Dagi, a Vure ne huriki a propet, i rudua a agelo vona, ge vakasiri e huriki a vora vona, a ra maka maki i popote ge valai.”

Kapiloho 3:13

E rei a viri i ngaru ni longokilala, ge longo kamumu, ge luhoi kado a ngava a Hanuna Vure i taki virihi e huriki a tara na Vure.”

Kapiloho 3:22

E rei a viri i ngaru ni longokilala, ge longo kamumu, ge luhoi kado a ngava a Hanu Kiripiripi i taki virihi e huriki a tara na Vure.”

Kapiloho 3:6

E rei a viri i ngaru ni longokilala, ge longo kamumu, ge luhoi kado a ngava a Hanu Kiripiripi i taki virihi e huriki a tara na Vure.”

Kapiloho 5:5

Pali tara ne huriki a nupesi nga i taki iau, “Naha ni tangi. O mata lakea! A viri ni gale a Laion na kabu ne Iuda, ra Hamone Davit, i mulangi. Ngane i kara ia ge laga vuroki a buluka na kadel i polorua, ra ri kapi karia a raukea, ge vevea.”