Kapiloho 22:14 - A Nitana Vure

¹⁴ “E huriki ri loi a varakia ne ria ri gi vivi, a vuhuna a Vure bara i taki ria ri kani na kai na nimahuri, ri gi dili na logo, ri gi dili na tanga.

Kapiloho 22:14 Iomraidhean Croise

A Vuhuna 2:9

E BAKOVI DAGI a Vure i rata rike a maka kai legelege ri mapoda na malala, a maka kai mata kamumu, i kamumu a kanena ni kanina. Na kurukuruna hania a kai i rua ru pesi: a kai i habi a nimahuri, turana a kai i habi a lohokanga na naro kamumu na naro hale.

A Vuhuna 3:22

Muri e BAKOVI DAGI a Vure i ta maea, “A bakovi ngane i manga teu, i lohoka na vilo kamumu, na vilo hale. Nahea ge made tabukoi koea, ma ge padoi a kai na nimahuri, ge kania, ge mahuri vakaroro.”

A Nimariu 19:10

E BAKOVI DAGI i takia e Moses, “O vano o taki e huriki, mona, kuduvi ri gi taki tala a naro hale ne ria, ri gi loi na naru a maka varakia ne ria.

Ioanes 10:7

Lakea e Isu i taki tabu ria, i ta maea, “A taki muholi mua, iau a logo na nure na sipsip.

Ioanes 10:9

Iau a logo. E huriki ri dili valai nau bara ri mahuri. Bara ri dili pori na ningaru ne ria. Bara ri matavisi a maki ni kani.

Ioanes 14:15

Mua bara mu ngaru iau, bara mu muri mai a ngavagu.

Ioanes 14:6

E Isu i koli, i ta maea, “Iau a dala, iau a nita muholi, iau a nimahuri. E huriki ri ngaru ni lakea ne Tata ri gi valai taro nau.

Ioanes 4:12

O luhoi o dagi hateka na gare ne mia e Iakop? Hosi i kelia a lomu iea, i ninu a naru vona. E huriki e tuna, ria ranga ri ninu vona. A kabuna bulmakau, a sipsip vona, ria ranga ri ninu vona.”

1 Korin 7:19

A viri ni pala a kulina, o i uka ma ni pala a kulina, a maki tavula. A maki dagi, a viri ge longototo a vinara na Vure.

1 Korin 8:9

Pali mu matadoko. A maki o lohoka vona i uka ma i hale go ratea, ma ge rata e huriki i uka ma ri luhoi tora hateka ri gi boru.

1 Korin 9:5

E huriki a apostolo ranga, e huriki e tarine Bakovi Dagi, turana e Sipas, ria lobo ri laho turana e girihine ria, ra ri luhoi torea e Kristo. Maria ranga, bara miri ngaru, bara miri laho turana e girihine maria.

Galesia 5:6

A viri i rihi e Kristo, ra hini ni pala a kulina o i uka, a maki tavula. A maki dagi, ge luhoi torea e Kristo, ge tahoka a naro na nivangaru.

1 Ioanes 3:3

E rei a viri i pasimata ni masia, bara i ramai a naro malamala, i manga e Kristo i malamala.

1 Ioanes 5:3

E huriki ri ngarua a Vure ri longototo a vinara vona. Pali a maka vinara na Vure, i uka ma ri habi a maregoa ne hita.

Kapiloho 2:7

E rei a viri i ngaru ni longokilala, ge longo kamumu, ge luhoi kado a ngava a Hanu Kiripiripi i taki virihi e huriki a tara na Vure. E huriki ri mulangi na vabinga, ga taki ria ri gi kani a kanena kai na nimahuri, ra i pesi na hania na Vure.”

Kapiloho 21:12

A tanga iea i tahoka a nure dagi ni tura halui. I tahoka a logo i ravulu a polona i rua. A agelo i matakari a logo takutaku. A logo takutaku, ni here a rana kabu takutaku ne Israel.

Kapiloho 21:27

I uka tara maki katoki ge dili vona. I uka tara viri i rata a naro ni maruhu vona, o a naro taminga ge dili vonga. E huriki ri gi dili vona kunana, e huriki a rane ria ni here dili na buk na nimahuri na Tuna Sipsip.

Kapiloho 22:2

I tua tala, i tua na kurukuruna dala dagi na tanga. Na gaga varago na naru, a kai na nimahuri ri pesi. Ri vua balaka ravulu a polona i rua (12) na pida i taku. Ri vua na keva takutaku. A pagana kai iea, ne vona ni vakamahuri e huriki na tanga lobo.

Kapiloho 22:7

E Isu i ta maea, “Mu longo! I popote ga hamule valai! E huriki ri longototo a nita propet i tabuli na buk iea, ri gi vivi.”

Kapiloho 7:14

Lakea a koli a ta maea, “Bakovi dagi ioe o lohoka ne ria.” Muri i taki iau, i ta maea, “Ri pagitala valai na tahuna maregoa dagi. Ri loi a varakia ne ria na darana Tuna Sipsip, lakea ri kea mahaha.